Sipas të dhënave zyrtare të INSTAT, ndryshimi vjetor i matur nga Indeksi i Harmonizuar i Çmimeve të Konsumit në muajin Mars 2019 është 1,4 %. Rritja më e madhe e çmimeve prej 3,6 %, vërehet në grupin “Hotele, kafene dhe restorante”, pasuar nga grupet

• “Ushqime dhe pije joalkoolike” me 2,6 %,
• “Pije alkoolike dhe duhan” me 0,6 %,
• “Qira, ujë, lëndë djegëse dhe energji” me 0,4 %, etj.

Nga ana tjetër çmimet e grupit:

• “Argëtim dhe kulturë” u ulën me 0,4 %,
• “Shëndeti” me 0,3 %,
• “Transporti” me 0,2 %.

Në muajin mars 2019, ndryshimi mujor i matur nga Indeksi i Harmonizuar i Çmimeve të Konsumit është -0,5%. Ky ndryshim është ndikuar kryesisht nga ulja e çmimeve të grupit “Ushqime dhe pije joalkoolike” me 1,2%, pasuar nga grupet

• “Veshje dhe këpucë” me 0,5 %,
• “Qira, ujë, lëndë djegëse dhe energji” me 0,4%, etj.

Nga ana tjetër çmimet e grupit “Transporti” u rritën me 0,3 %, pasuar nga “Pije alkoolike dhe duhan”, “Shëndeti” dhe “Argëtim dhe kulturë” me 0,1 % secili.

Për më shumë klikoni raportin e plotë.

Sipas të dhënave zyrtare të INSTAT, në mars 2019 eksportet e mallrave arritën vlerën 28 mld lekë, duke u rritur me 2,7 %, në krahasim me të njëjtën periudhë të një viti më parë dhe me 23,0 %, në krahasim me shkurt 2019. Importet e mallrave arritën vlerën 56 mld lekë, duke u rritur me 1,1 %, në krahasim me një vit më parë dhe me 12,1 %, në krahasim me shkurt 2019. Deficiti tregtar i këtij muaji është 28 mld lekë, duke u ulur me 0,5 %, krahasuar me mars 2018 dhe rritur me 3,1 %, në krahasim me shkurt 2019.

Kontributi i grupeve kryesore në ndryshimin vjetor të eksporteve:

Rritja vjetore e eksporteve prej 2,7 %, këtë muaj është ndikuar kryesisht nga grupet:

• “Makineri, pajisje, pjesë këmbimi”me +3,8 %,
• “Ushqime, pije, duhan” me +1, %,
• “Materiale ndërtimi dhe metale” me +1,1 %.

Në ndryshimin vjetor të eksporteve ka ndikuar negativisht grupi“Minerale, lëndë djegëse, energji elektrike” me -4,6 pikë përqindje.

Ecuria e tregtisë së mallrave sipas vendeve partnere

Në muajin mars 2019, vendet me të cilët Shqipëria ka pasur rritje më të madhe të eksporteve, në krahasim me mars 2018 janë:

• Italia (7,3 %),
• Kosova (86,8%),
• Maqedonia(45,6%).

Ndërsa vendet me të cilat eksportet kanë pasur uljen më të madhe janë:

• Gjermania (-13,5 %),
• Spanja (-54,4 %),
• Greqia (-14,8 %).

Për më shumë klikoni raportin e plotë.

Sipas të dhënave zyrtare të INSTAT, ndryshimi vjetor i indeksit të çmimeve të konsumit në muajin mars 2019 është 1,1%. Një vit më parë ky ndryshim ishte 2,0 %.Ndryshimi mujor i indeksit të çmimeve të konsumit në mars 2019, krahasuar me shkurt 2019, është -0,3%.

Ndikimi i grupeve kryesore në ndryshimin vjetor të indeksit të çmimeve të konsumit.

Rritja vjetore e çmimeve në muajin shkurt është ndikuar kryesisht nga grupet:

• “Ushqime dhe pije joalkoolike”me +0,72 % ;
•  “Qira, ujë, lëndë djegëse dhe energji” me +0,21% ;
• “Hotele, kafene dhe restorante” me +0,04 %, etj ;

Çmimet e grupeve “Pije alkoolike dhe duhan”, dhe “Argëtim dhe kulturë”, etj kanë kontribuar me +0, 03% secili;

Ndryshimet vjetore të grupeve kryesore:

Krahasuar me muajin mars 2018, rritja më e madhe e çmimeve vërehet në grupin “Ushqime dhe pije joalkoolike” me 2,0%, pasuar nga grupet

• “Hotele, kafene dhe restorante” me 1,2 %,
• “Argëtim dhe kulturë” me 1,1 %,
• “Pije alkoolike dhe duhan” dhe “Qira, ujë, lëndë djegëse dhe energji” me 1,0 % secili, etj.

Nga ana tjetër çmimet e grupit “Shëndeti” u ulën me -0,4%.Brenda grupit të ushqimeve, çmimet e nëngrupit “zarzavate përfshirë patatet” u rritën me 15,7 %, pasuar nga nëngrupet “peshk” me 2,8%, “qumësht, djathë dhe vezë” me 2,1 %, etj.

Nga ana tjetër çmimet e nëngrupit “fruta” u ulën me 7,8 %, pasuar nga nëngrupet “vajra dhe yndyrna” me 0,7%, “bukë dhe drithra” me 0,6 %, etj.

Për më shumë klikoni materialin.