Prodhimet Shqiptare

Mjafton një filxhan çaj mali për të ndier aromën e Shqipërisë.

Në të gjendet tradita por edhe puna e mijëra duarve që mbledhin, përzgjedhin dhe sjellin në treg një nga pasuritë më të çmuara të natyrës shqiptare.

Çaji i malit vlerësohet për aromën e butë, përbërjet bioaktive dhe potencialin antioksidant.

Por kjo pasuri nuk ndalet te çaji i malit. Sherebela, rigoni, trumza, dafina dhe bimë të tjera dallohen për vajrat esencialë, aromën intensive dhe përbërjet natyrore që i bëjnë të kërkuara në çajra, ushqim, kozmetikë, suplemente dhe industri të ndryshme përpunuese.

Nga mbledhësit vendas te tregjet ndërkombëtare, ky sektor po fiton gjithnjë e më shumë peshë. Në vitin 2024, eksportet shqiptare të këtyre bimëve arritën rreth 50.7 milionë dollarë, me mbi 11.7 milionë kilogramë të eksportuar.

Në këtë zinxhir vepron edhe NATYRAL & ATC, kompani e themeluar në vitin 1992 në Shqipëri.

Aktiviteti i saj përfshin mbledhjen, përpunimin, prodhimin dhe tregtinë e bimëve medicinale, erëzave, çajrave, vajrave esencialë dhe superushqimeve.

Sot, produktet e NATYRAL & ATC arrijnë deri në tregjet e SHBA-së, Mbretërisë së Bashkuar, Emirateve të Bashkuara Arabe dhe vendeve të tjera.

Aroma e natyrës sonë, nga malet shqiptare, drejt tregjeve ndërkombëtare!

https://www.instagram.com/reel/DakXlKRNWEg/?utm_source=ig_web_copy_link&igsh=MzRlODBiNWFlZA==

Mendon se makaronat vijnë vetëm nga Italia? Gabohesh! Shqipëria gjithashtu prodhon dhe eksporton makarona.

Vetëm në vitin 2024, eksportet shqiptare të makaronave të thata arritën në rreth 1.37 milionë kilogramë, me një vlerë prej mbi 1.36 milionë dollarësh.

Tregu kryesor ishte Serbia, me rreth 746 mijë kilogramë, e ndjekur nga Maqedonia e Veriut, me mbi 617 mijë kilogramë.

Makaronat e prodhuara në Shqipëri kanë mbërritur edhe në tregje jashtë rajonit, përfshirë Shtetet e Bashkuara të Amerikës.

Por historia nuk nis te pjata. Ajo nis në fabrikat e përpunimit të miellit, ku investimet në teknologji dhe linjat moderne të prodhimit e kthejnë një lëndë të parë të zakonshme në një produkt që eksportohet përtej kufijve.

“Made in Albania”-Nga fabrikat tona, në tryezat anemban botës.

.https://www.instagram.com/reel/DZfVu9spNxf/?utm_source=ig_web_copy_link&igsh=MzRlODBiNWFlZA==

Një pallat në Itali.

Një resort në SHBA.

Një kantier në Kinë.

Në secilin prej tyre mund të ketë një pjesë Shqipërie.

Materialet e ndërtimit të prodhuara në vendin tonë gjenden sot në shumë ndërtesa në rajon, në vendet e Bashkimit Europian, por edhe më larg, deri në SHBA e Kinë.

Sipas të dhënave të INSTAT, gjatë vitit 2025 eksportet e grupit “materiale ndërtimi dhe metale” arritën në afro 460 milionë euro. Brenda këtij grupi, materialet e ndërtimit zënë një pjesë të rëndësishme: rreth 70 milionë euro çimento, deri në 30 milionë euro gurë ndërtimi, mermer dhe granit, si dhe rreth 10 milionë euro gëlqere, gips dhe materiale të tjera.

Në vend operojnë dhjetëra kompani që merren me prodhimin dhe përpunimin e materialeve të ndërtimit, të cilat furnizojnë edhe tregjet ndërkombëtare.

Ajo që ndërtohet jashtë, shpesh nis nga këtu — në Shqipëri.

Një japonez që pi verë shqiptare?

Dikur do dukej çudi… sot është krejt normale.

Vera shqiptare ka shkuar shumë më larg se Europa. Sot gjendet edhe në Japoni — një nga vendet më kërkuese për cilësinë në botë.

Në 6-mujorin e parë 2025, Shqipëria eksportoi anekënd botës rreth 17,785 ton verë, me rritje +82% krahasuar me një vit më parë.

“Made in Albania” — nga duart tona, në tregjet ndërkombëtare.