Në kuadër të Javës Ndërkombëtare të Sipërmarrjes, Zv/Kryeministrja znj. Balluku, Ministrja e Shtetit për Sipërmarrjen dhe Klimën e Biznesit znj. Ibrahimaj, Ministrja e Shtetit për Integrimin Europian znj. Dhuka, zv/Ministri i Financave dhe Ekonomisë z. Yzeiraj, në partneritet me projektin Saneca II (mbështetur nga GIZ) dhe në bashkëpunim me Bashkimin e Prodhuesve Shqiptare, zhvilluan një panel diskutimi publik-privat me tematikë: “Instrumentet e BE-së për Ndërmarrjet dhe Politikat Industriale, sipas Kapitullit 20 të Negociatave të Anëtarësimit”

Objektivat e këtij takimi ishin:

• Përshpejtimi i integrimit për rritje të qëndrueshme dhe tranzicion të gjelbër dhe digjital.

• Informimi i palëve të interesuara të sektorit privat për instrumentat e politikave, sipas Kapitullit 20.

• Lehtesimi i diskutimeve publike-private për maksimizimin e përfitimeve të këtyre instrumentave.

• Inkurajimi i përfshirjes së sektorit privat në procesin e anëtarësimit, veçanërisht në formësimin e politikave që plotësojnë nevojat e tyre.

• Promovimi i idesë së një qasjeje bashkë-krijuese për politikëbërjen.

• Përshpejtimi i integrimit në tregun e vetëm të BE-së dhe përshpejtimi i procesit të anëtarësimit

#bashkimiiprodhuesveshqiptare#JavaeSipërmarrjes#GEW2023

Bashkimi Prodhuesve Shqiptare ishte një ndër aktorët kryesore, të fazës më të rëndësishme për hartimin e strategjisë kombëtare S3 (Smart Specialization Strategy). Këto lloj strategjish janë idejuar dhe zhvilluar nga vendet e Bashkimit Europian, si një mjet i ri për nxitjen e inovacionit dhe zhvillimit rajonal.

Ekipi kombetar i S3, ku Bashkimi Prodhuesve Shqiptare luajti një rol mjaft aktiv, edhe nën kujdesin e veçantë të kabinetit të zv/kryeministres Balluku, zhvilloi 32 takime e diskutime (tryeza të rrumbullakëta dhe workshop-e) nga tetori 2022 deri në korrik 2023, ku u përfshinë 1,275 aktore të “Helikes së 4-fishtë” që janë: Qeverisja Qendrore dhe Vendore, Biznesi, Akademia dhe Shoqeria Civile.

Për të diskutuar rezultatet e arritura deri tani gjatë proçesit S3, dje nga ana e qeverisë shqiptare u organizua konferenca “Shqipëria inteligjente: Prioritetet dhe vizioni për të ardhmen”.

Edhe në organizimin dhe zhvillimin e kësaj konference, Bashkimi Prodhuesve Shqiptare ishte tepër i angazhuar.

Objektivat e diskutimit në këtë konferencë ishin:

• Energjia e rinovueshme dhe burimet natyrore

• Zinxhiri ushqimor i shëndetshëm dhe i qëndrueshëm

• Turizmi i qëndrueshëm dhe i larmishëm

Falenderojme të gjithë pjesëmarrësit në këtë konferencë dhe në menyre të veçante subjektet te cilat sponsorizuan konferencen Antea Cement, Elka, Partner Ballkanik, Pasta Livia, Golden Foods, Fix Pro, Lajthiza Invest.

#smartstrategies#EU#bashkimiiprodhuesveshqiptare