NEWSLETTER

Bashkimi i Prodhuesve Shqiptarë

NEWSLETTER

Janar – Prill 2023

1. Mbledhja e Këshillit të Investimeve

Bashkimi i Prodhuesve Shqiptarë ishte pjesë e mbledhjes së parë të vitit 2023, organizuar nga Këshilli i Investimeve. Në këtë tryezë organizata jonë u përfaqësua nga Drejtori Ekzekutiv z. Aleko Polo. Fokusi i diskutimit në këtë tryezë ishte: “Sfidat e NVM-ve – Tranzicioni rreth burimeve alternative t ë Energjisë”.

2. Workshop mbi Sistemin “Black Box”

Bashkimi Prodhuesve Shqiptarë në bashkëpunim me një grup ekspertësh nga Italia organizoi një  workshop lidhur me prezantimin e një sistemi të quajtur “Black Box”, i cili nëpërmjet funksionimit algoritmik të tij parashikon menaxhimin e sistemeve të kondicionimit me qëllim shfrytëzimin efiçent të energjisë elektrike. Në këtë workshop morrën pjesë përfaqësues të ndryshëm të industrive prodhuese shqiptare të cilët shfaqën interes rreth funksionimit të sistemit.

3. Konferenca mbi Ekonominë Blu

Sekretari i Përgjithshëm i Bashkimit të Prodhuesve Shqiptarë z. Arben Shkodra ishte pjesë e panelit referues përgjatë konferencës 2-ditore të mbajtur në Tiranë, pjesë e programit Interreg Adrion në bashkëpunim me Agjencinë Kombëtare të Kërkimit Shkencor dhe Inovacionit me temë “Lëvizja drejt një Komuniteti Inovativ mbi Ekonominë Blu të Qëndrueshme për rajonin Adriatik-Jon”.  Organizimi i kësaj konferece mblodhi partnerë të shumtë si pjesë e grupit ndërinstitucional të punës S3, ekspertë vendas dhe të huaj si dhe grupe të tjera interesi, ku përmes këtyre takimeve u kërkua të formësohet një komunitet akro-rajonal i inovacionit, në kuadër të implementimit të Ekonomisë së Qëndrueshme Blu brenda rajonit adriatiko-jonian.

4. Trajnimi “Liberalizimi i mëtejshëm i tregut shqiptar të energjisë elektrike”

Bashkimi i Prodhuesve Shqiptarë ishte pjesë e trajnimit organizuar nga Grupi AFD, Expertise France, i mbajtur pranë ambienteve të Maritim Hotel Plaza Tirana, me temë “Liberalizimi i mëtejshëm i tregut shqiptar të energjisë elektrike”. Në këtë trajnim organizata jonë mori pjesë me përfaqësinë e një numri të mirëfilltë të anëtarëve të saj të industrive prodhuese, të cilët kishin interes të vecantë lidhur me temën e trajtur në këtë trajnim.

5. Mbledhja e Bordit Drejtues

Bashkimi i Prodhuesve Shqiptarë organizoi Mbledhjen e Bordit Drejtues nën drejtimin e kryetares së Bordit znj. Ilda Baraj, prani të Sekretarit të Përgjithshëm z.Arben Shkodra, Drejtorit Ekzekutiv z. Aleko Polo si dhe anëtarëve të tjerë pjesëmarrës së Bordit. Disa nga cështjet qe u diskutuan në këtë tryezë ishin:

1. Thjeshtimin e proceduarve mbi akcizën e gazit
2. Prezantimin e aktiviteteve të shoqatës për vitin 2022
3. Strategjinë e eksporteve
4. Paketa fiskale
5. Unifikimi i akcizës së birrës

6. Mëngjes Pune me Zv. Kryeministren dhe Ministren e Infrastrukturës dhe Energjisë znj. Belinda Balluku

Bashkimi i Prodhuesve Shqiptarë bashkë me përfaqësues të industrive prodhuese në vend, zhvilloi një mëngjes pune me Zv. Kryeministren, njëkohësisht Ministre e Infrastrukturës dhe Energjisë znj. Belinda Balluku.  Takimi u përqëndrua në 6 cështje prioritare të industrive prodhuese që lidheshin me:

Dialogu Publik-Privat

Lehtësimi i Procedurave (Derregullimi)

Drejtësia Fiskale

Cështjet e Punësimit dhe Aftësimit Profesional

Politikat dhe Strategjia e eksporteve

Integrimi Europian

Gjatë takimit pati diskutime dhe propozime të shumta për gjetjen e zgjidhjeve në lidhje me cështjet e diskutura, që krijojnë mundësinë e një klime të favorshme për sektorin prodhues në vend.

7. Takimi Hapës i “Strategjisë së Specializmit Inteligjent (S3)”

Bashkimi i Prodhuesve Shqiptarë, si pjesë partnere e qeverisë shqiptare për Hartimin e Strategjisë së Specializimit Inteligjent (S3), ishte pjesë e panelit së takimit hapës të mbajtur pranë ambienteve të Marriott Hotel Tirana, me përfaqësi të Sekretarit të Përgjithshëm të saj njëkohësisht anëtar i Ekipit Kombëtar të (S3) z. Arben Shkodra. Pjesë e rendësishme e këtij takimi ishte dhe fjala përshëndetëse e Zv. Kryeministres së Republikës së Shqipërisë znj. Belinda Balluku, njëkohësisht drejtuese e Komitetit Ndërministror të S3, e cila theksoi rëndësinë dhe mbështetjen e qeverisë shqiptare lidhur me këtë strategji, si një instrument i fuqishëm në zhvillimin ekonomik të vendit bazuar në dije dhe inovacion. Në këtë takim hapës ishin pjesëmarrës përfaqësues nga të 4 Helikat e vendit si: qeverisja qëndrore dhe vendore, akademia, sipërrmarja dhe shoqëria civile, të cilët luajnë një rol tepër të vecantë në hartimin e këtij dokumenti strategjik, i cili drejton vendin tonë drejt zhvillimit ekonomik në mënyrë inteligjente.

8. Mbledhja e Këshillit të Investimeve

Bashkimi i Prodhuesve Shqiptarë ishte pjesë e tryezës së datës 19 Prill 2023, organizuar nga Këshilli i Investimeve, me përfaqësi të Sekretarit të Përgjithshëm z. Arben Shkodra.  Në këtë tryezë u zhvillua një diskutim konstruktiv mbi “Ndikimin e pagës minimale tek produktiviteti në punë”. Mbledhja u drejtua nga Ministria e Financave dhe Ekonomisë znj. Delina Ibrahimaj.

9. Forumi i Klimës së Biznesit 2023

Sekretari i Përgjithshëm i Bashkimit të Prodhuesve Shqiptarë z. Arben Shkodra, mori pjesë në panelin e Forumit të Klimës së Biznesit 2023, me temë diskutimi: “Sfidat e Rritjes dhe Produktiviteti”. Rëndësia e këtij forumi ndërmori një vëmendje të vecantë pasi shërbeu si një platformë dialogu me biznesin për të shkëmbyer ide dhe opinione për punën e bërë, si edhe për të ndarë sfida të përbashkëta lidhur me klimën e biznesit, produktivitetin dhe kapitalin njerëzor.

Bashkimi i Prodhuesve Shqiptarë

NEWSLETTER

Qershor – Shtator 2021

70 Vjetori i Universitetit Politeknik të Tiranës Bashkimi i Prodhuesve Shqiptarë kishte kënaqësinë të mbështeste Universitetin Politeknik të Tiranës në organizimin e aktivitetit të mbajtur në kuadër të 70 vjetorit të themelimit të tij me qëllim nderimin dhe vlersimin e kontributit të stafit pedagogjik ndërvite. Në emër të organizatës, Z. Bardhyl Balteza, shprehu falenderimet e tij për rolin që ky universitet ka patur në kultivmin e dijes tek të rinjtë e cila padyshim përbën një prej shtyllave kryesore të zhvillimit të industrisë prodhuese Shqiptare sikurse dhe gadishmërinë e tyre për të gjetur urat e përbashkëta të komunikimit dhe bashkëpunimit me qëllim mbështetjen dhe nxitjen e mëtejshme të modeleve më të reja dhe inovative në këtë sektor. prodhuesit.org   Platforma e Partneritetit të Integrimit Evropian (PPIE) Vijon pjesmarrja e Bashkimit të Prodhuesve Shqiptarë në tryezat teknike për diskutim dhe këshillim në kuadër të platformës për integrim të zhvilluara nga Ministria e Financave dhe Ekonomisë për kapitujt si më poshtë: Kapitulli 6 “Legjislacioni për shoqëritë trëgtare” Kapitulli 16 “Tatimet” Kapitulli 29 “Doganat” Kapitulli 32 “Kontrolli Financiar” prodhuesit.org   Inovacion: Transformimi Dixhital i NVM-ve Ekipi i BERZH për “Këshilla për Bizneset e vogla” në partneritet me Bashkimin e Prodhuesve Shqiptarë dhe Shoqatën Shqiptare të TIK (AITA) zhvilluan një cikël seminaresh me datë 29 Qershor, 6 dhe 14 korrik 2021 me temë “Transformimi Dixhital I NMV-ve”. Objektivi i këtij aktiviteti ishte rritja e ndërgjegjësimit të NVM-ve shqiptare për rëndësinë dhe përfitimet e transformimit dixhital për zhvillimin e tyre dhe forcimin e konkurrencës, qëndrueshmërisë dhe inovacionit. Gjatë zhvillimit të sesioneve online u realizua shpërndarja e informacionit në lidhje me zgjidhjet, shërbimet e konsulencës në dispozicion si dhe mbështetja që u ofrohet NVM-ve në transformimin dixhital. prodhuesit.org

ADVOKIM DHE LOBIM FISKALIZIMI Ministria e Financave dhe Ekonomisë ka pranuar kërkesën e Bashkimit të Prodhuesve Shqiptarë për shtyrjen e penaliteteve administrative deri në 1 Janar të 2022 për bizneset që nuk e kanë vënë në zbatim procesin e fiskalizimit duke qenë se subjektet ende nuk janë familjarizuar me sistemet dhe procedurat dhe duke marre parasysh faktin që platformat implementuese ende nuk janë gati. Në ligjin 9920 dt 19.05.2008 Per procedurat tatimore ne Republiken e Shqiperise, kreu 15 shtohet pika 7- Përjashtimisht parashikimeve në këtë ligj, për kundërvajtjet administrative që lidhen me afatet e hyrjes në fuqi dhe zbatimin efektiv të ligjit nr. 87/2019, “Për faturën dhe sistemin DREJTORIA E PERGJITHSHME E TATIMEVE – LEGJISLACIONI TATIMOR 2016 Ligj Nr. 9920, datë 19.5.2008 Rruga: Gjin Bue Shpata www.tatime.gov.al e monitorimit të qarkullimit”, të ndryshuar, zbatimi i sanksioneve do të fillojë të aplikohet pas datës 1 janar 2022. (Shtuar me Akt Normativ Nr. 27 datë 01.07.2021, botuar në Fletoren Zyrtare Nr. 106, datë 02.07.2021) . EKONOMIA QARKULLUESE WASTE TO ENERGY & BE IN THE LOOP Bashkimi i Prodhuesve Shqiptarë, si një nga organizatat më të rëndësishme të biznesit në Shqipëri përvecse përfaqëson dhe mbron interesin e përbashkët të prodhuesve në vend, vitet e fundit ka marrë një rol shumë të rëndësishëm në çështjen e mbrojtjes së mjedisit dhe ekonomisë qarkulluese. Në bashkëpunim me Co-Plan, ne kemi qenë shumë aktiv dhe kemi ndërmarrë projekte serioze sa i përket mbrojtjes së mjedisit dhe ndërgjegjësimit të bizneseve. MARRËVESHJE BASHKËPUNIMI Me 13 Korrik 2021 Bashkimi i Prodhuesve Shqiptarë nënshkroi marrëveshjen e bashkëpunimit me Universitetin Mesdhetar të Shqipërisë. Në këtë marrëveshje, palët ranë dakord të ndërmarrin nisma dhe projekte të përbashkëta me qëllim nxitjen e punësimit dhe aftësimit tek të rinjtë shqiptarë në përputhje me kërkesat e tregut te punës, në veçanti atë të industrive prodhuese Shqiptare. KONFERENCË- BeMed PROJECT Me datë 3 gusht 2021 u zhvilluan konferenca në kuadër të projektit BeMed në lidhje me reduktimin e plastikës në Mesdhe ku morën pjesë edhe përfaqësues nga Bashkimi i Prodhuesve Shqiptarë. ANTARËSIMET E REJA 2021 Gjatë këtij tremujori anëtarët e rinj që i janë bashkuar organizatës janë:

Bashkimi i Prodhuesve Shqiptarë

NEWSLETTER

Janar – Mars 2021

Aktivitetet tona

Forumi Qeverisje për Ndryshim: Propozime të Shoqërisë Civile

Bashkimi i Prodhuesve Shqiptarë, me përfaqësin e Sekretarit të Përgjithshëm, Z. Arben Shkodra, ishte pjesë e Forumit Kombëtar “Qeverisje për Ndryshim: Propozime të Shoqërisë Civile” të organizuar nga CO-PLAN, Instituti për Zhvillimin e Habitatit dhe Westminster Foundation for Democracy. Si përfaqësues të sektorit privat dhe industrial, Bashkimi i Prodhuesve Shqiptarë kishte përgjegjësinë e identifikimit dhe parashtrimit të problematikave më shqetësuese në këto sektorë, dhe më pas hartimin e propozime konkrete për ndryshim. Këto propozime do t’ju dorzohen të gjithë forcave politike me qëllim influencimin dhe inkorporimin e tyre në programet elektorale të zgjedhjeve parlamentare të 25 prillit. Pjesë e këtij forumi ishte dhe Ambasadori i Bashkimit Europian, Z. Luigi Soreca dhe Zv. Ambasadori Britanik, Z. Jason Ivory.

youtube.com

Takim me Kryetarin e Partisë Demokratike, Z. Lulzim Basha

Me ftesë të Kryetarit të Partisë Demokratike Z. Lulzim Basha, ishim pjesë e një takimi për të diskutuar rreth programit ekonomik të Partisë Demokratike dhe për të dhënë propozimet tona, me qëllim përmirësimin dhe forcimin e mëtejshëm të këtij programi në mbështetje të prodhimit vendas.
Në këtë takim u parashtrua nevoja për një konsolidim të dialogut publik-privat, garanci ligjore, lëhtësi proceduriale e fiskale dhe nxitja e eksporteve si aspektet kryesore për të garantuar dhe nxitur konkurrueshmërinë e produketve “Made in Albania”.

youtube.com

Komisioni për Zhvillim të Qëndrueshëm dhe Integritet (ICC)

Bashkimi i Prodhuesve Shqiptarë u ftua për të qenë pjesë e Komisionit për Zhvillim të Qëndrueshëm dhe Integritet të organizuar nga Dhoma Ndërkombëtare e Tregtisë (ICC). Ky komision ka për qëllim nxitjen e angazhimit të sektorit privat në promovimin e qëndrueshmërisë, ekonomisë qarkulluese dhe integritetit nëpërmjet krijimit të një platforme diskutimi mbi politikat, advokimin dhe kapacitet e nevojshme; eksplorimi i instrumentave dhe mekanizmave të ndryshëm ndërkombëtar; ndarja e përvojave dhe asistencë nga partner ndërkombëtar; bashkëpunim me akademik, sektorin publik dhe aktorë të tjerë.

Takim pune me Kryetarin e Këshillit të Lartë të Shtetit

Përfaqësues të organizatës realizuan një takim pune me Z. Arben Shehu, kryetar i KLSH-së, për të diskutuar rreth problematikave proceduriale dhe interpretimet e proceseve administrative, vecanërisht në administratën tatimore dhe doganore.

Advokim dhe Lobim 

Rregulloret për Cështjen e Energjisë Elektrike

Përgjatë këtij tremujori, shumë prej sipërmarrësve vendas patën dëme të konsiderueshme në makineritë e fabrikave përkatëse për shkak të cilësisë së dobët në energji elekrike. Në mungesë të rregulloreve të domosdoshme për të adresuar këtë cështje, Bashkimi i Prodhuesve Shqiptarë i është drejtuar institucioneve përgjegjëse përfshirë këtu OSHEE, OSSH dhe ERE për hartimin e tyre. Konkretisht në emër të Prodhuesve Shqiptarë ne jemi anagazhuar për të bërë të mundur:

1. Hartimin e një rregulloreje për procesin e ankimimit;

2. Hartimin e një rregulloreje me kushtet e përgjithshme të kontratës;

3. Hartimin e rregullores së dëmshpërblimit

Ligji i Regjistrimit të Pronarëve Përfitues

Me hyrjen në fuqi të ligjit “Për Regjistrimin e Pronarëve Përfitues”, shumë prej sipërmarrësve hasën vështiresi në procesin e regjistrimit për shkak të pamjaftueshmerisë së kohës për të kryer aplikimin. Për këtë arsye, Bashkimi i Prodhuesve Shqiptarë i është përgjigjur menjëherë kërkesave të sipërmarrësve për një shtyrje të afatit duke e parashtruar si kërkesë në institcionet përgjegjëse. Me anë të takimeve të vazhdueshme me përfaqëues të këtyre institucioneve, u dakortësua shtyrja e afatit të regjistrimit deri më 30 qershor 2021. Ky akt normativ u botua në fletoren zyrtare.

Taksa e Karbonit dhe Akciza

Me kërkesë të industrisë së cimentos dhe tullave u angazhuam në analizimin e impaktit të taksës së karbonit dhe akcizës për lëndët e para djegëse. Kjo analizë së bashku me propozimet përkatëse, iu përcollën Ministrisë së Financave dhe Ekonomisë, me qëllim rishikiminin e tyre për të garantuar konkurrueshmërinë e produkteve në tregjet kombëtare dhe ato ndërkombëtare. 

Ligji për Rindërtim

I jemi drejtuar Ministrisë së Financave dhe Ekonomisë dhe Ministrit të Shtetit për Rindërtim, Z. Arben Ahmetaj, për një ndërhyrje në legjislacionin për rindërtim, pas problematikave të hasura nga sektori i materialeve të ndërtimit në vecanti ajo e cimentos, importi i të cilës është rritur me 50% përgjatë 2020. Kjo erdhi si rrjedhojë e përjashtimit nga TVSH për mallrat dhe shërbimit e përdorura për rindërtim, të cilën importuesit në sektorin e lartë përmendur po e përdorin si hapsirë ligjore për ti bërë produktet e tyre më konkurrues krahasuar me prodhimin vendas.

Ligji për Organizatat Jofitmprurese

Si pjesëmarrës në seancën dëgjimore të organizuar nga Komisioni për Cështje Ligjore, Administratë Publike dhe të Drejtat e Njeriut, asistuam në shqyrtimin dhe përmirësimin e ligit për organizatat jofitimprurëse.

Projekte

“Waste to Energy”: Vijon puna për projektin “Waste to Energy” të financuar nga Ministria Federale e Bashkpunimit Ekonomik dhe Zhvillimit Gjerman dhe kompaninë Titan Cement Group në Shqipëri, Maqedoninë e Veriut dhe Serbi. Ky projekt ështe në mbështetje të axhendës tonë për nxitje të ekonomisë qarkulluese dhe ka për qëllim krijimin e kushteve paraprake të nevojshme për zëvendësimin e lëndëve djegëse në industrinë e çimentos me energji alternative. 

Webinare, Workshop, Trajnime

Trajnim: Faturat Elektronike

Me miratimin e ligjit të ri të fiskalizimit në janar 2021, Bashkimi i Prodhuesve Shqiptarë në bashkëpunim me Nexia Albania, organizoi trajnimin e saj të parë shpjegues të platformës Billy Bridge për lëshimin e faturave elektronike.

Webinar: Përgjegjësia e Zgjeruar e Prodhuesve

U ftuam të ishim pjesë e një takimi rajonal mes Shqiperisë, Malit të Zi dhe Bosnje Hercegovinës për të diskutuar rreth “Përgjegjësisë së Zgjeruar të Prodhuesve”, instrument i cili përdoret për të pakësuar ndotjet e shkaktuara nga mbetjet e amballazhit duke u dhënë prodhuesve një përgjegjësi të zgjeruar mbi trajtimin e tyre. Përgjatë këtij takimi u prezantuan parimet, rolet dhe rëndësia që përgjegjësia e zgjeruar ka, përdorimi i saj në vendet Europiane dhe ato të Ballkanit si instrument për zbatimin e marrëveshjeve rajonale si: “Axhenda e Gjelbër” apo “Plani i Veprimit për Ekonominë Qarkulluese”, dhe roli i legjislacionit si celës për zbatimin e tij. 

Webinar: Ekonomia Qarkulluese në Vendet Nordike

Vendet Nordike aktualisht kryesojnë për modelet më inovative dhe të sukseshme qarkulluese. Nëpërmjet këtij eventi, ne patëm mundësinë të njiheshim me disa prej tyre dhe të lidhnim kontaktet me disa prej aktorëve kryesorë në mbështetje të zhvillimit të qëndrueshëm .

Workshop: VET school (shkollat profesionale)

Bashkimi i Prodhuesve Shqiptarë u angazhua në workshopin e organizuar nga OECD për Ballkanin Perendimor si Ekspert i Ekonomisë për Shqipërinë. Ky event kishte për qëllim krijimin e masave të nevojshme për adresimin e problematikave më shqetësuese ekonomike në Shqipëri, Bosnjë-Hercegovinë, Kosovë, Serbi dhe në Maqedoninë e Veriut. Zhvillimi dhe nxitja e shkollave profesionale ishte një aspekt mjaft i rëndësishëm i dikskutuar përgjatë këtij eventi.

Përgjegjësia sociale (CSR)

Me inciativën e Znj. Mimoza Emanuels, anëtare e Bordit Drejtues të Organizates, kemi marrë në shqyrtim rastin e Znj. Raimonda Hoxha, e cila prej një viti jeton në cadër së bashku me nënën dhe djalin e saj jetim për shkak të pamundësive financiare për ta rindërtuar shtëpinë e tyre të shembur që prej termetit të 2019. Falë gadishmërisë së shumë prej anëtarëve që operojnë në sektorin e prodhimit të materialeve të ndertimit, kemi filluar punën për t’i siguruar kësaj familje një shtëpi, të cilën synojmë ta përfundojmë brenda 6 mujorit të parë të këtij viti.

Prodhimi në shifra

Eksportet: Të dhënat zyrtare raportojn se eksporti vendas përgjate 2020 pësoi një rënie prej 9% krahasuar me një vit më parë. Sektorët të cilet patën kontributin më të lartë negativ ishin “Tekstilet dhe Këpucët”, “Materialet e ndërtimit dhe metalet” dhe “Mineralet, lëndët djegëse dhe energjia elektrike”. Ndërsa sektori i “Ushqimeve, pijeve, duhanit” sëbashku me “Makineri, pajisje dhe pjesë këmbimi” ishin të vetmit sektorë të cilët pësuan një rritje të eksporteve përgjatë vitit të shkuar. Trendet vazhdojn të jenë të njejta dhe përgjatë dy-mujorit të parë te 2021, krahas sektorit te “Materialeve të ndërtimit dhe metaleve” e cili ka pësuar një rritje prej +4.6 pikë përqindje krahasuar me të njëjtën periudhë të një viti më parë.  

Indeksi I Inovacionit (2020): Sipas studimeve të fundit të kryera nga Organizata Ndërkombëtare e të Drejtave Intelektuale, Shqipëria renditet në vendin e 83 në Indeksin e Inovacionit, një pozicion mjaft i largët krahasuar me vendet e tjera të rajonit si Bosnje Hercegovina, Maqedonia e Veriut, Serbia dhe Mali Zi të cilat respektivisht renditen në vendin e 74, 57, 53 dhe 49.