“Dyfisho Sipërmarrjen Tënde” është skema e re e financimit që synon të lehtësojë aksesin në kredi për ndërmarrjet mikro, të vogla dhe të mesme në Shqipëri.
Programi parashikon një linjë likuiditeti prej 25 miliardë lekësh nga Banka e Shqipërisë, të mbështetur edhe nga një fond garancie sovrane prej rreth 3 miliardë lekësh nga qeveria.
Bizneset përfituese mund të kenë akses në kredi me interes deri në 3% dhe garanci sovrane deri në 70%, për investime në teknologji, digjitalizim, standarde dhe rritjen e konkurrueshmërisë drejt tregut europian.
