Gjithçka nis në pyll.
Prej andej, druri hyn në një proces që i ndryshon jo vetëm formën, por edhe vlerën. Në fabrikë përzgjidhet, përpunohet dhe merr trajtën e produktit final.
Punimi i drurit në Shqipëri, ka evoluar në një industri moderne, që sot realizon nga dyert dhe dyshemetë, te kuzhinat, mobiljet dhe arredimet e plota.
Prodhimi nuk mbetet vetëm brenda kufijve.
Në vitin 2024, vetëm kategoria e mobiljeve të tjera prej druri regjistroi mbi 10.5 milionë dollarë eksporte, me rreth 69 mijë njësi të dërguara jashtë vendit.
Brenda kësaj industrie, kompanitë shqiptare kanë ndërtuar profile të ndryshme prodhimi.
FPM TuttoMobili, me mbi 40 mijë metra katrorë ambiente dhe 307 të punësuar, prodhon mobilje që sot arrijnë në 26 vende dhe katër kontinente.
VEKO, e nisur në vitin 1993 si punishte familjare, është zhvilluar drejt përpunimit industrial, me prodhim që përfshin edhe panele prej druri masiv dhe një aktivitet të shtrirë përtej tregut vendas.
Euro-Biçaku ka zgjeruar profilin nga dyert te mobiljet, kuzhinat dhe zgjidhjet e personalizuara, me produkte të pranishme në Itali, Gjermani, Zvicër, Holandë dhe në tregjet e rajonit.
BOLT bashkon prodhimin me projektimin, duke realizuar mobilje të personalizuara dhe arredime të plota për banesa, hotele, restorante, zyra dhe institucione.
Në përpunimin e drurit, “Made in Albania” i jep vazhdimësi një tradite të vjetër, sot të dallueshme për cilësinë.
https://www.instagram.com/reel/DdV83nGB46t/?utm_source=ig_web_copy_link&stkn=MzRlODBiNWFlZA==
