Nga 14 dhjetori 2027, në tregun e Bashkimit Europian do të ndalohen produktet për të cilat është përdorur punë e detyruar në çdo fazë të prodhimit ose përpunimit. Rregulli do të zbatohet për produktet që tregtohen në BE, pavarësisht origjinës së tyre, si edhe për ato që eksportohen nga BE-ja.
Hetimet do të bazohen te niveli i rrezikut dhe do të marrin në konsideratë, ndër të tjera, seriozitetin e dyshimit, sasinë e produkteve të përfshira dhe zinxhirin e furnizimit.
Rregullorja nuk vendos një detyrim të ri të përgjithshëm për auditim apo raportim për çdo kompani, por autoritetet mund të kërkojnë informacion mbi masat e ndërmarra për identifikimin dhe menaxhimin e rrezikut të punës së detyruar.
Nëse shkelja provohet, produktet mund te ndalohen në tregun e BE-së, të tërhiqen nga qarkullimi dhe, sipas rastit, të riciklohen ose asgjësohen.
