Në seancën dëgjimore për Paketën Fiskale 2027, Shoqata “Bashkimi i Prodhuesve Shqiptarë” ngriti shqetësimin për mungesën e konsultimit me prodhuesit përpara se projektligjet të mbërrinin në Kuvend.
Para Komisionit për Ekonominë, Punësimin dhe Financat, sekretari i përgjithshëm i Shoqatës, Arben Shkodra, vuri në dukje se pesha e industrisë në ekonomi po bie për të tretin vit radhazi. Ai evidentoi ndikimin e kursit të këmbimit, rritjen e kostove të lëndëve të para dhe barrën administrative mbi ndërmarrjet.
Për propozimin e TVSH-së 6% për disa ushqime, z.Shkodra kërkoi qartësi për listën e produkteve dhe vuri në dukje mungesën e ujit, djathit dhe grurit.
Në të njëjtën seancë, Eduard Gjokutaj foli për rritjen e barrës tatimore mbi fitimin e shpërndarë, ndërsa Sajmir Laçej ngriti shqetësimin se rritja e akcizës për duhanin vendas rrezikon t’i nxjerrë prodhuesit nga tregu.
