info@prodhuesit.org

Konsultimi publik dhe Trzeyat

Ministrja e Ekonomisë dhe Drejtorja e AKU takim me prodhuesit

Etiketimi, siguria ushqimore dhe zbatimi i legjislacionit në praktikë ishin në qendër të takimit të ministres së Ekonomisë dhe Inovacionit, Delina Ibrahimaj, dhe drejtores së AKU-së, Blerina Gjylameti, me prodhuesit e sektorit ushqimor.

Diskutimi u përqendrua te nevoja për rregulla të qarta, procedura transparente dhe informacion të saktë për konsumatorin, me vëmendje të veçantë te lexueshmëria e etiketave, data e prodhimit, afati i përdorimit dhe skadenca.

Prodhuesit theksuan se siguria ushqimore është në fokus të aktivitetit të tyre dhe se investimi në teknologji dhe respektimi i standardeve mbeten thelbësore.

Arben Shkodra, Sekretar i Përgjithshëm i Shoqatës “Bashkimi i Prodhuesve Shqiptarë”, vuri theksin te rëndësia që bizneset të njohin në kohë legjislacionin dhe rregulloret e reja të BE-së, pasi kërkesat që po hyjnë në fuqi mund të ndikojnë drejtpërdrejt në proceset dhe modelin e tyre të biznesit. Z. Shkodra nënvizoi gjithashtu nevojën që vetë prodhuesit të kërkojnë dhe të mbështesin transparencën.

Takimi konfirmoi rëndësinë e dialogut të drejtpërdrejtë mes institucioneve dhe industrisë për të adresuar problemet konkrete, për të garantuar standarde të qarta dhe për të forcuar sigurinë ushqimore.

Read more

Industria joushqimore: Masa për rritjen e konkurrueshmërisë

Shoqata “Bashkimi i Prodhuesve Shqiptarë” zhvilloi një tryezë me përfaqësues të industrisë joushqimore, ku u diskutuan faktorët që po rrisin kostot e prodhimit dhe po dobësojnë konkurrueshmërinë e sipërmarrjeve.

Prodhuesit ngritën shqetësime për akcizën e gazit, ndikimin e kursit të këmbimit, taksën e karbonit, çmimin e lartë të energjisë elektrike dhe kostot e transportit. U evidentua gjithashtu barra e taksave vendore, e cila, sipas tyre, nuk përkthehet në shërbime të mjaftueshme nga bashkitë.

Ndër problematikat e tjera u renditën procedurat administrative, doganore dhe tatimore, proceset e pajisjes me leje, mungesa e fuqisë punëtore dhe çështjet që lidhen me mbrojtjen e të dhënave personale të punonjësve.

Përfaqësuesit e industrisë paralajmëruan se kostot e larta po dobësojnë konkurrueshmërinë e sipërmarrjeve, po kontribuojnë në tkurrjen e sektorit dhe po vënë në rrezik qëndrueshmërinë e tyre në treg. Ata kërkuan që shqetësimet e ngritura të trajtohen me masa konkrete nga qeveria dhe institucionet përgjegjëse.

Tryezat me prodhuesit do të zhvillohen rregullisht për të ndjekur çështjet prioritare të sektorit.

https://www.instagram.com/reel/DbAv9WHsxR4/?utm_source=ig_web_copy_link&igsh=MzRlODBiNWFlZA==

Read more

Zhvillohet tryeza e parë sektoriale me përfaqësues të industrisë ushqimore

Shoqata “Bashkimi i Prodhuesve Shqiptarë” zhvilloi tryezën e parë sektoriale me përfaqësues të industrisë ushqimore, duke vendosur në qendër sfidat që ndikojnë në zhvillimin dhe konkurrueshmërinë e prodhimit vendas.

Prodhuesit kërkuan uljen e barrës administrative dhe reduktimin e burokracive në dogana dhe institucione të tjera. Ata propozuan gjithashtu marrëveshje me vendet fqinje për lehtësimin e procedurave doganore dhe tregtare.

Një tjetër çështje e ngritur ishte nevoja për më shumë drejtësi fiskale. Sipas prodhuesve, politikat e reja duhet të hartohen në mënyrë që të mos rëndojnë kostot dhe të mos dëmtojnë prodhimin vendas.

Në fokus ishte edhe procesi i përafrimit të legjislacionit me atë të Bashkimit Europian. Prodhuesit kërkuan të konsultohen përpara miratimit të ligjeve, si dhe të informohen e trajnohen mbi standardet dhe detyrimet e reja që rrjedhin nga procesi i integrimit.

Përballë kostove të larta të prodhimit dhe sfidave të integrimit, industria ushqimore kërkon një dialog publik-privat më të fortë, përfshirje reale në vendimmarrje dhe masa konkrete nga qeveria.

https://www.instagram.com/reel/Da2wkz8ukpV/?utm_source=ig_web_copy_link&igsh=MzRlODBiNWFlZA==

Read more

Takim i Rëndësishëm për Konsultimin e Strategjisë Afatmesme të të Ardhurave 2024- 2027

📌 Në datën 4 Tetor, Bashkimi Prodhuesve Shqiptarë mori pjesë në një takim të rëndësishëm me Ministrin e Financave, z. Petrit Malaj. Ku u diskutua në vijim të procesit të konsultimit të draft – Strategjisë Afatmesme të të Ardhurave për vitin 2024-2027.

Ky dialog është i rëndësishëm për Ministrinë e Financave dhe për ne, pasi ka si qëllim kryesor forcimin e politikave për miradministrimin tatimor dhe doganor, si dhe përmirësimin e shërbimeve ndaj biznesit. Kjo do të ndihmojë në rritjen e konkurrueshmërisë dhe pozicionimin tonë në tregjet ndërkombëtare.

📕 Drafti i Strategjisë është një dokument i rëndësishëm, i konsultuar me Fondin Monetar Ndërkombëtar dhe Bashkimin Evropian, dhe një parakusht për zhvillimin e Shqipërisë në kuadër të instrumentit të zhvillimit të Ballkanit Perëndimor (Growth Plan).

📎 Bashkimi Prodhuesve Shqiptarë angazhohet të kontribuojë në zhvillimin e politikave që do të ndihmojnë rritjen e ekonomisë sonë dhe do të sigurojnë një ambient të favorshëm për bizneset shqiptare.

Read more

Takimi me Komitetin e Industrisë, Tregtisë dhe Inovacionit mbi projektligjin e “Përgjegjësisë së Zgjeruar të Prodhuesve!”

📎Në datën 8 korrik Bashkimi Prodhuesve Shqiptarë zhvilloi një takim të rëndësishëm me Komitetin e Industrisë, Tregtisë dhe Inovacionit për të diskutuar mbi projektligjin e Përgjegjësisë së Zgjeruar të Prodhuesve!

Ky projektligj synon të forcojë përgjegjësinë e prodhuesve në menaxhimin e produkteve të tyre, duke përfshirë riciklimin dhe reduktimin e mbetjeve. Ky është një hap i rëndësishëm drejt një ekonomie më të qëndrueshme.

✅Gjatë takimit, u mbajtën diskutime të gjera dhe konstruktive, ku u shkëmbyen ide dhe sugjerime të rëndësishme. Si rezultat, u morën vendime konkrete dhe u përcaktuan detyrat dhe afatet për zbatimin e tyre.

#bashkimiiprodhesveshqiptare

Read more

Takim trajnues me drejtuesë dhe specialistë të Autoritetit Kombëtar të Ushqimit (AKU)

📌Në kuadrin e takimeve të vazhdueshme të punës, që Bashkimi Prodhuesve Shqiptarë (BPSH) zhvillon me Autoritetin Kombëtar të Ushqimit (AKU), në datë 9 maj pranë ambienteve të “Shtëpisë së Biznesit” u zhvillua takimi i radhes.

📎Në këtë takim drejtues teknik dhe specialistë të AKU-së zhvilluan një trajnim me operatorë të bizneseve, që i përkasin industrisë ushqimore, pranë BPSH-së.

🖋️Gjatë trajnimit u trajtuan çeshtje që lidhen me kuadrin ligjor, kërkesat për eksportin dhe importin, si edhe për etiketimin e produkteve ushqimore.

📌Në kuadrin e takimeve të vazhdueshme të punës, që Bashkimi Prodhuesve Shqiptarë (BPSH) zhvillon me Autoritetin Kombëtar të Ushqimit (AKU), në datë 9 maj pranë ambienteve të “Shtëpisë së Biznesit” u zhvillua takimi i radhes.

📎Në këtë takim drejtues teknik dhe specialistë të AKU-së zhvilluan një trajnim me operatorë të bizneseve, që i përkasin industrisë ushqimore, pranë BPSH-së.

🖋️Gjatë trajnimit u trajtuan çeshtje që lidhen me kuadrin ligjor, kërkesat për eksportin dhe importin, si edhe për etiketimin e produkteve ushqimore.

Read more

Tryeza e industrisë së prodhimit të cimentos dhe industrisë së riciklimit me Zv.Kryeministren znj.Balluku, Ministren e Turizmit dhe Mjedisit znj.Kumbaro dhe përfaqësues të Kuvendit të Shqipërisë

Bashkimi i Prodhuesve Shqiptarë organizoi një tryeze pune me temë “Sfidat e Konkurrueshmërisë” me zv/Kryeministren, zj. Belinda Balluku, Ministren e Turizmit dhe Mjedisit, znj. Mirela Kumbaro, Kryetarin e Komisionit për Ekonominë dhe Financat në kuvend, z. Eduard Shalsi, Kryetarin e Komisionit për Veprimtarine Prodhuese, Tregtine dhe Mjedisin në kuvend, z. Arben Pellumbi. Në këtë takim morën pjesë si të ftuar edhe Drejtori i Përgjithshëm të Doganave, z. Gent Gazheli dhe Drejtori i Politikave të Energjisë në MIE, z. Besjan Kadiu.

📎Ky ishte takimi i pestë i shoqatës me zv/Kryeministren, në frymën e një bashkëpunimi konstruktiv, ku në qendër eshte nxitja e konkurrueshmërise së prodhuesve vendas. Duhet theksuar se në sajë të vemendjes së vecantë të Zv/Kryeministres Balluku, takimet kanë qenë mjaft rezultative duke krijuar herë pas here lehtësi dhe mjedis të favorshem për prodhimin vendas.

Takimi i radhes pati si fokus tre çeshtje të rëndeëishme për anëtarët e shoqatës:

📌Heqjen e akcizës së gazit te lëngshëm, për industrinë prodhuese.

📌Mundesimi i importimit të lëndëve djegëse alternative (RDF/SRF), pjesë e listës gjelber, për industrine e prodhimit të çimentos.

📌Mundesimi i importimit te lëndëve të para dytësore, pjesë e listës së gjelbër, për industritë prodhuese dhe ricikluese.

🖋️Nga ana e palës qeveritare pati një mirëkuptim të plotë dhe angazhim për zgjidhjen e problematikave të ngrituara. Në takim u përcaktuan detyra të cilat do të trajtohen në vazhdim nëpërmjet dialogut publik-privat dhe afate konkrete për zgjidhjen e kërkesave të BPSH.

Read more

Mbledhja e komiteteve

📌Në datën 13 mars, Bashkimi Prodhuesve Shqiptarë organizoi një takim të rëndësishëm, ku pjesëmarrja u përfaqësua nga 3 komitetet: komiteti i industrisë, tregtisë dhe inovacionit, komiteti i legjislacionit, taksave dhe procedurave, si dhe komiteti i integrimit rajonal dhe në BE. Qëllimi kryesor i këtij takimi ishte gjetja e zgjidhjeve të shpejta dhe efikase për sfidat që po hasin anëtarët e organizatës.

📎Disa nga temat kryesore të diskutuara ishin:

1. Progresi në zgjidhjen e çështjeve aktuale, përfshirë:

• Heqjen e akcizës së gazit të lëngshëm

• Lejimin e importit të lëndëve djegëse alternative për fabrikat e prodhimit të çimentos

• Shtyrjen e aplikimit të taksës së karbonit për fabrikat e prodhimit të çimentos

• Vlerësimin e shpenzimeve të përfaqësimit si shpenzime të njohura

• Lejimin e prodhimit të qeseve plastike për eksport

2. Identifikimi dhe diskutimi i çështjeve të reja dhe problematikave që u paraqitën nga pjesëmarrësit.

3. Diskutime lidhur me projektligjin e ri të dhomave.

4. Analiza dhe diskutime për projektligjin e përgjegjësisë së zgjeruar të prodhuesit.

5. Te ndryshme.

✅Në përfundim të takimit, anëtarët e Bashkimit të Prodhuesve Shqiptare arritën të shpalosin dhe të diskutonin çështjet që ndikojnë në bizneset e tyre. Ata gjithashtu propozuan ide për të gjetur zgjidhje efektive për problemet në sektorin e tyre.

#bashkimiiprodhuesveshqiptare

#mbledhjaekomiteteve

Read more

Seminar konsultues “Sektori i Prodhuesve – Konsultime”

📌Bashkimi i Prodhuesve Shqiptare, në bashkëpunim me EU4SI (GOPA Worldwide Consultants), organizoi një seminar konsultues me titullin “Sektori i Prodhuesve – Konsultime”, në të cilin morën pjesë përfaqësues nga sektori i prodhuesve në Shqipëri. Këtë aktivitet e karakterizoi diskutimi i draftit të Kornizës së Aftësive Thelbësore, duke e vendosur në kontekstin e Strategjisë Kombëtare të Punësimit dhe Aftësive për periudhën 2023-2030.

✅Ky takim u karakterizua nga shkëmbimi i njohurive dhe eksperiencave nga përfaqësues të ndryshëm të sektorit të prodhuesve, ndërsa synimi më i gjerë ishte rritja e cilësisë dhe konkurrueshmërisë në tregun e punës.

#bashkimiiprodhuesveshqiptare #KornizaeAftesiveThelbesore #EU4SI

Read more

Tryeza e Industrisë Ushqimore me Zv. Kryeministren dhe Ministren e Bujqësisë dhe Zhvillimit Rural

✅Një takim mjaft konkret dhe dinamik nën kujdesin e vecantë të zv/Kryeministres znj. Belinda Balluku, me Ministren e Bujqësisë dhe Zhvillimit Rural znj. Anila Denaj.

Takimi u përqendrua kryesisht në tema të tilla si zhvillimi në fushën e bujqësisë dhe atë rural, zhvillimi në fushën e sigurisë ushqimore, agropërpunimi, përpunimi ushqimor, financimet nga qeveria shqiptare dhe IPARD 3, problemet me Autoritetin e Kontrollit Ushqimor.

📎Përfaqësuesit e Bashkimit Prodhuesve Shqiptare paraqiten për diskutim çështje që kanë të bëjnë me:

 Propozime për lehtësimin e proçedurave (derregullimi),

 legjislacionin në fushën e bujqësisë dhe zhvillimit rural,

 procedurat e AKU-së,

 financimin dhe aksesin në financë,

 promovimin e produkteve “Made in Albania”

 politikën fiskale me qëllim aplikimin e një taksimi të drejtë,

 problematikat me inputet bujqësore, vecanërisht me produktet kimike dhe përdorimi i tyre pa kriter duke sjellë problematika në agropërpunim.

📌 Nga ana e palës qeveritare pati një mirëkuptim të plotë dhe një angazhim maksimal duke ofruar sugjerime per zgjidhjen e disa prej problemeve të paraqitura gjatë takimit me të cilat sektori agroushqimor po përballet.

#bashkimiprodhuesveshqiptare

Read more