info@prodhuesit.org

Konsultimi publik dhe Trzeyat

Tryeza teknike sektoriale mbi bujqësinë

Bashkimi i Prodhuesve Shqiptarë mori pjesë në tryezën teknike sektoriale për Bujqësinë. Gjatë tryezës sektoriale, u ngritën problematikat kryesore që prekin sipërmarrjen në këtë fushë, investimet e parashikuara nga qeveria si dhe u diskutuan sugjerimet e grupeve të interesit mbi çështjet përkatëse

Problematikat dhe çështjet që Bashkimi i Prodhuesve Shqiptarë ka dërguar pranë Ministrisë së Shtetit për Mbrojtjen e Sipërmarrjes për tu diskutuar në këtë tryezë me përfaqësues të Ministrisë së Bujqësisë dhe Zhvillimit Rural, janë:

  • Mos zbatimi i vazhdueshëm i procesit të konsultimit paraprak dhe përgjatë miratimit të akteve ligjore dhe nënligjore, në shkelje flagrante të ligjit (për Ministrinë dhe agjencitë e varësisë);
  • Mbi detyrimet e prapambetura për disa qindra fermerë e subjekte të agrobiznesit, që rezultojnë nga një grant i dhënë në mbështetje të fermerëve Shqiptarë nga qeveria e Japonisë në vitet 1999-2005;
  • Mbi nevojën e reformimit të sektorit të bujqësisë dhe adoptimit të teknologjisë së informacionit për përshpejtimin reformave, uljen e informalitetit dhe garantimin e transparencës në këtë sektor;
  • Për problemet që paraqet modeli aktual i funksionimit të bashkëpunimit bujqësor në zbatim të ligjit për shoqëritë e bashkëpunimit bujqësor;
  • Mbi problemet që hasin subjektet në lidhje me procedurat e etiketimit të produkteve ushqimore dhe informimin e konsumatorit;
  • Për tarifat të analizave laboratorike të kërkuara në procesin e inspektimit;
  • Për formalizimin dhe rregullimin ligjor të tregtimit të tepricës së produkteve të prodhuara individualisht nga fermerët apo familjet fermere duke e konsideruar këtë si mbështetje të Bujqësisë Sociale;
  • Mbi taksat doganore për lëndët e para;
  • Eksportet në BE;
  • Direktivat e BE;
  • TVSH e produkteve ushqimore;
  • Ligji mbi inspektimet;
  • Gjobat nga AKU

[slider style=”flat” category=”Tryeza teknike sektoriale mbi bujqësinë” orderby=”date” order=”ASC”]

Read more

Tryeza teknike sektoriale mbi ekonominë

Bashkimi i Prodhuesve Shqiptarë mori pjesë në tryezën teknike sektoriale për Ekonominë. Në këtë tryezë u diskutua mbi problematikat lidhur me sistemin fiskal dhe marrjen parasysh të vërejtjeve dhe sugjerimeve të grupeve të interest në hartimin dhe përgatitjen e ligjeve për të bërë të mundur implementimin sa më të drejtë të tyre.

Problematikat dhe çështjet që Bashkimi i Prodhuesve Shqiptarë ka dërguar pranë Ministrisë së Shtetit për Mbrojtjen e Sipërmarrjeës për tu diskutuar në këtë tryezë me përfaqësues të Ministrisë së Financave dhe Ekonomisë , janë:

  1. Mos zbatimi i vazhdueshëm i procesit të konsultimit paraprak dhe përgjatë miratimit të akteve ligjore dhe nënligjore, në shkelje flagrante të ligjit;
  2. Problemet me ligjin dhe aktet nënligjore “Për procedurat tatimore”, ndryshimet e vazhdueshme dhe krijimi i procedurave në udhezimet e DPTT;
  3. Problemet që ka Ligji mbi akcizën, VKM-të, udhëzimet, urdhërat në zbatim të tij, pasi shpesh ka përcaktime jo të drejta dhe mbivendosje të pa nevojshme;
  4. Mbi fenomenin e evazionit nga subjektet me status pasiv në QKB (shoqëri me status pasiv për më shumë se tre vjet dhe me detyrime të pambledhura tatimore – shpesh dege të shoqerive të falimentuara jashtë vendit dhe që nuk kanë vijuar me mbylljen e degëve).
  5. Mbi detyrimet e prapambetura për disa qindra fermerë e subjekte të agrobiznesit, që rezultojnë nga një grant i dhënë në mbështetje të fermerëve Shqiptarë nga qeveria e Japonisë në vitet 1999-2005’
  6. Për taksën e amballazhit lënda e parë;
  7. Për taksën e amballazhit të plastikës dhe qelqit;
  8. Për tarifat e skanimit në dogana;
  9. Për taksat doganore për artikujt që janë lënde e parë për industrinë prodhuese;
  10. Mbi akcizën për lëndët e para djegëse për industrinë prodhuese;
  11. Mbi nivelin të taksës së pasurisë mbi ndërtesat e industrive prodhuese.
  12. Për pagesat e sigurimeve shoqërore për vendet e reja të punës në ndihmë të industrive prodhuese;
  13. Mbi procedurat doganore dhe kufitare;
  14. Mbi tarifat për shërbimet portuale;
  15. Për TVSH e karburantit dhe të ujit që përdoret nga sipermarrja prodhuese;
  16. Mbi rimbursimin e TVSH dhe Akcizës;
  17. Për TVSH në import për makineritë/pajisjet që përdoren nga sipermarrja prodhuese
  18. Për rimbursimin e TVSH-së për subjektet 100% eksportuese;
  19. Problemet me procedurave doganore për sa i përket penaliteteve dhe të drejtës së ankimimit;
  20. Për tarifat e analizave laboratorike të kërkuara në procesin e inspektimit;
  21. Në mbeshtetje të industrisë prodhuese duke zeruar taksat doganore mbi lëndët e para
  22. Taksa mbi bizneset.

[slider style=”flat” category=”Tryeza teknike sektoriale mbi ekonominë” orderby=”date” order=”ASC”]

Read more

Tryeza teknike sektoriale me mjedisin

Bashkimi i Prodhuesve Shqiptarë mori pjesë në tryezën teknike sektoriale për mjedisin, zhvilluar nga Ministria e Shtetit për Mbrojtjen e Sipërmarrjes. Gjatë tryezës sektoriale për mjedisin u ngritën problematikat kryesore që prekin sipërmarrjen në këtë fushë si menaxhimi i mbetjeve apo qeset plastike, si dhe u diskutuan sugjerimet e grupeve të interesit mbi çështjet përkatëse.

Problematikat dhe çështjet që Bashkimi i Prodhuesve Shqiptarë ka dërguar pranë Ministrisë së Shtetit për Mbrojtjen e Sipërmarrjes janë si më poshtë:

  1. Moszbatimi i vazhdueshëm i procesit të konsultimit paraprak dhe përgjatë miratimit të akteve ligjore dhe nënligjore, në shkelje flagrante të ligjit;
  2. Mbi draftet për “Strategjinë Kombëtare të Menaxhimit të Mbetjeve”;
  3. Mbi përdorimin e iniciativave ekstraligjore nga ana e ndonjë administrate lokale, që tenton të përdorë organet ligjzbatuese si mjet presioni ndaj sipërmarrjeve, gjë që kompromenton ndjeshëm klimën e të bërit biznes;
  4. Mbi problemet që has sot sektori i riciklimit në lidhje me bllokimin e importeve për mbetjet e listës së gjelbër në përputhje me procedurat doganore të perpunimit aktiv si mundësi për të vënë kapacitetin e plotë të prodhimit;
  5. Mbi problemet që shfaq mundësia që i jep legjislacioni, eksportit të mbetjeve plastike dhe letër, si lëndë të para për industrinë e riciklimit;
  6. Mbi problemin që paraqet në rritjen e kostove për sipërmarrjen prodhuese miratimi i tarifave për depozitimin e mbetjeve në landfillet e vendit;
  7. Për tarifat e analizave laboratorike të kërkuara në procesin e inspektimit;
  8. Mbi diskutimin e licensave të përhershme;
  9. Kur nuk garantohet furnizimi me ujë nga rrjeti.

[slider style=”Flat” category=”Tryeza teknike sektoriale me mjedisin” orderby=”date” order=”ASC”]

Read more

Bashkimi i Prodhuesve Shqiptarë në një takim me Ministrin e Bujqësisë dhe Zhvillimit Rural z. Niko Peleshi

Më datë 14 nëntor 2017, Ministri i Bujqësisë dhe Zhvillimit Rural, z. Niko Peleshi priti në zyrën e tij anëtarët e Bashkimit të Prodhuesve Shqiptarë për një takim pune. Përfaqësues të sektorëve të ndryshëm të kësaj shoqatë si bujqësi, agrobiznes, përpunues të produkteve blegtorale, përpunimi i mishit, prodhues të produkteve ushqimore, përpunues të ujit të amballazhuar, etj. diskutuan  problematikat në fushën e bujqësisë dhe zhvillimit rural kryesisht:

  1. Problemet e informalitetit;
  2. Problemet e koperimit;
  3. Problemet inovacionit dhe mekanizimit;
  4. Problemet e financimit dhe disbursimit të fondeve;
  5. Problemet e përmirësimit të legjislacionit dhe rregulloreve.

Duke e konsideruar thelbësore për zhvillimin e sipërmarrjes dialogun publik/privat dhe mbështetjen e qëndrueshme ndaj sektorit dhe sipërmarjes së prodhimit në vendin tonë, në ditën në vazhdim do të vijohet me takime të tjera ndërmjet përfaqësuesve të Bashkimit të Prodhuesve Shqiptarë dhe Ministrit të Bujqësisë z. Peleshi për propozime me konkrete ndaj zgjidhjeve të problemeve në fushën e bujqësisë dhe zhvillimit rural.

[slider style=”flat” category=”Takim me Ministrin e Bujqësisë” orderby=”date” order=”ASC”]

 

Read more

Mblidhet Komiteti i Politikave të Bashkimit të Prodhuesve, diskutime mbi energjinë për prodhimin

Ditën e enjte, datë 2 nëntor 2017, është zhvilluar mbledhja e rradhës e Komitetit të Politikave të Bashkimit të Prodhuesve Shqiptarë. Kjo mbledhje u mbajt për të diskutuar për çështjet e energjisë për prodhimin. U zhvilluan diskutime mbi draftin e metodologjisë së llogaritjes së tarifave të operatorit të sistemit të shpërndarjes së energjisë elektrike.

[slider style=”flat” category=”Komiteti per energjine” orderby=”date” order=”DESC”]

Read more

Konsultim me biznesin “Mbi risitë e Kodit të Ri Doganor dhe Dispozitat Zbatuese”

Më 31 maj 2017, Bashkimi i Prodhuesve Shqiptarë, Dhoma e Tregtisë dhe Industrisë Tiranë, Drejtoria e Përgjithshme e Doganave dhe Këshilli Investimeve organizuan një takim konsultimi me biznesin mbi risitë e Kodit të ri Doganor. Takimi erdhi si një kërkesë e organizatave të mësipërme të biznesit parashtruar në takimin e 10-të të Këshillit të Investimeve. Kodi i ri Doganor është miratuar në korrik 2014 dhe hyn plotësisht në fuqi në 1 qershor 2017.

Kodi i ri është hartuar në përputhje me direktivat e BE-së dhe ofron një sërë procedurash më të thjeshtuara për bizneset eksportuese dhe importuese. Dispozita zbatuese të Kodit të ri janë përgatitur tashmë nga Drejtoria e Përgjithshme e Doganave pranë Ministrisë së Financave dhe pritet të hyjnë në fuqi së bashku me Kodin Doganor.

Lidhur me këtë, përfaqësues të DPD-së prezantuan në takim disa nga aspektet më të rëndësishme të Kodit me impakt në marrëdhëniet e biznesit me administratën doganore si, deklarimet në doganë, mundësitë për aplikim për procedura të thjeshtuara, regjimet doganore, etj.

Nga ana tjetër, përfaqësues të biznesit kanë paraqitur pranë Ministrisë së Financave dhe paraqiten edhe në këtë takim disa nga shqetësimet mbi procedurat doganore, të ngritura edhe në Këshillin e Investimeve, të cilat adresojnë çështje si; skanimi i konteniereve, përdorimi i çmimeve të referencës për përcaktimin e detyrimeve në dogana, klasifikimi tarifor i mallrave, aplikimi kontrolleve fizike, etj.

Në përfundim të takimit, në frymën e mirëkuptimit të domosdoshëm midis komunitetit të biznesit dhe DPD, palët theksuan nevojën për konsultime dhe ballafaqime periodike në tryeza, që do të trajtojnë çështje specifike dhe të rëndësishme për lehtësimin e mëtejshëm të procedurave doganore dhe forcimin e bashkëpunimit midis palëve për një tregti të sigurt, të hapur dhe të drejtë.

[slider style=”flat” category=”Konsultim me biznesin mbi risitë e Kodit të ri Doganor” orderby=”date” order=”ASC”]

Read more

Tryezë konsultimi me biznesin “Mbi Risitë e Kodit të Ri Doganor dhe Dispozitat Zbatuese”, 31 maj 2017

Bashkimi i Prodhuesve Shqiptarë në bashkëpunim me Dhomën e Tregtisë dhe Industrisë Tiranë, Këshillin e Investimeve, Banka Europiane për Rindërtim e Zhvillim dhe Drejtorinë e Përgjithshme të Doganave do të organizojnë një tryezë konsultimi me biznesin me temë “Mbi Risitë e Kodit të Ri Doganor dhe Dispozitat Zbatuese”.

Në këtë aktivitet do të prezantohen risitë e Kodit të ri Doganor mbi ndryshimet në Kodin Doganor, deklarimi në doganë sipas dispozitave të reja, procedurat e thjeshtuara dhe ndryshimet në regjimet doganore, informacioni i detyrueshem tarifor, informacioni i detyrueshëm origjinës, dispozitat për shkeljet, etj.

Duke e vlerësuar këtë aktivitet si të rëndësishëm për sipërmarrjen, ju ftojmë të bëheni pjesë e diskutimit, ditën e mërkurë, datë 31 maj 2017, ora 9:30 – 12:30, Hotel Tirana International.

Për më shumë informacion rreth aktivitetit dhe konfirmimit të pjesëmarrjes tuaj, lutemi të na shkruani në adresën e e-mailit: info@prodhuesit.org

Read more

Mblidhet Komiteti për Legjislacionin, Taksat dhe Procedurat i Bashkimit të Prodhuesve Shqiptarë

Më 16 maj 2017, pranë zyrave të Bashkimit të Prodhuesve Shqiptarë, u zhvillua takimi i Komitetit për Legjislacionin, Taksat dhe Procedurat i kryesuar nga z. Luan Leka dhe z. Bardhyl Baltëza. Ndër qëllimet e zhvillimit të kësaj mbledhjeje ishin:

  • Për të vlerësuar nëse çështjet e procedurave doganore të ngritura nga anëtarët e Bashkimit të Prodhuesve Shqiptarë kanë gjetur në një masë të caktuar reflektim në “Dispozitat e reja zbatuese të Kodit të ri Doganor”;
  • Në varësi të gjykimeve të Komitetit dhe bazuar në ekspertizë të fushës, të zhvillohet më tej trajtimi i çështjeve, me qëllim prezantimin e tyre pranë Ministrisë së Financave dhe Drejtorisë së Përgjithshme të Doganave, si kërkesa reale për konsiderim të çështjeve të ngritura nga anëtarët tanë.

Ditët në vijim do të përpunohet edhe materiali që do t’u dërgohet organeve të përmendura më sipër me çështjet e propozuara nga ky Komitet.

[slider style=”flat” category=”Mbledhja e Komitetit per Legjislacionin-AMU” orderby=”date” order=”ASC”]

Read more

Mbledhja e tretë e Komitetit për Kordinimin e Politikës Tregtare dhe të Lehtësimit të Tregtisë

U zhvillua më 8 maj 2017 në mjediset e Ministrisë së Zhvillimit Ekonomik, Turizmit, Tregtisë dhe Sipërmarrjes, mbledhja e radhës e Komitetit për Kordinimin e Politikës Tregtare dhe të Lehtësimit të Tregtisë, një grup ndërinstitucional që drejtohet nga Ministrja e Ekonomisë, znj Milva Ekonomi. Pjesë e këtij Komiteti është edhe Bashkimi i Prodhuesve Shqiptarë.

Kjo është mbledhja e tretë e këtij komiteti, një nga qëllimet e të cilit është të adresojë dhe zgjidhë problematikat që bizneset hasin për çështjet e tregtisë edhe sidomos të eksportit të produkteve të tyre jashtë Shqipërisë.

Temat kryesore të diskutuara në këtë takim të radhës ishin:

–          Prezantimi i website të Komitetit të Lehtësimit të Tregtisë;

–          Prezantimi i studimit për barrierat teknike në tregti për produkte bujqësore të destinuara në export;

–          Kapacitetet administrative të Sekretariatit Teknik;

–          Masat/hapat për lehtësimin e eksporteve të qumështit;

–          Diskutimi i situatës së eksportit të açugeve në tregun e BE

Ministrja Ekonomi kërkoi që diskutimi i temave në Komitet të bëhet sipas një plani 1 vjeçar të menduar lidhur me problematikat kryesore të eksporteve. Të pranishmit dhanë mendime për faqen e re të internetit të Komitetit të Lehtësimit të Tregtisë, e cila pritet të jetë së shpejti online. Ministrja Ekonomi kërkoi që përveç informacioneve për eksport në vende të BE dhe CEFTA që janë më të qarta, të përfshihet sa më shumë informacion për eksport në vende të tjera si SHBA apo Turqi etj, në mënyrë që prodhuesit të gjejnë lehtësisht se çfarë procedurash duhet të zbatojnë që të eksportojnë produktin e tyre drejt një vendi të caktuar.

Read more

Tryezë debati mbi stabilitetin politik dhe reformat

Më datë 10 mars 2017, në ambjentet e Hotel Rogner, Bashkimi i Prodhuesve Shqiptar në bashkëpunim me përfaqësues të Këshillit të Agrobiznesit Shqiptar, përfaqësues të Biznes Albania si dhe të Dhomës së Tregtisë dhe Industrisë së Tiranës, organizuan me Kryetarin e Partisë Demokratike z. Lulzim Basha, një tryezë debati mbi stabilitetin politik dhe reformat. 

Përfaqësues të shoqatave të biznesit në vend kërkojnë nga opozita garanci për stabilitet politik, në mënyrë që të vijohet me ecurinë e reformave dhe sipërmarrësit të kenë garanci në investimet e tyre.

Tryeza e organizuar nga sipërmarrësit kërkoi më shumë mbështetje nga opozita, referuar edhe situatës së tensionuar politikë që është krijuar në vend me protestat para kryeministrisë dhe ngërçin e procesit të Vettingut për Reformën në Drejtësi.

[slider style=”flat” category=”Tryezë debati mbi stabilitetin politik dhe reformat” orderby=”date” order=”ASC”]

Read more