Statistika

Sipas të dhënave zyrtare të INSTAT, në muajin shtator 2018, eksportet e mallrave arritën vlerën 26 mld lekë, duke u rritur me 8,7 %, në krahasim me të njëjtën periudhë të një viti më parë dhe me 28,0 %, në krahasim me gusht 2018.

Importet e mallrave arritën vlerën 51 mld lekë, duke u ulur me 4,7 %, në krahasim me një vit më parë dhe rritur me 5,5 %, në krahasim me gusht 2018.

Deficiti tregtar i këtij muaji është 25 mld lekë, duke u ulur me 15,6 %, krahasuar me shtator 2017 dhe me 11,1 %, në krahasim me gusht 2018.

Kontributi i grupeve kryesore në ndryshimin vjetor të eksporteve

Rritja vjetore e eksporteve prej 8,7 %, këtë muaj është ndikuar kryesisht nga grupet:

• “Materiale ndërtimi dhe metale” me +3,2 pikë përqindje;
• “Minerale, lëndë djegëse, energji elektrike” me +2,3 pikë përqindje;
• “Produkte kimike dhe plastike” me +1,9 pikë përqindje“.

Në ndryshimin vjetor të eksporteve ka ndikuar negativisht grupi: “Makineri, pajisje dhe pjesë këmbimi” me -0,8 pikë përqindje.

Eksportet, gjatë këtij nëntëmujori janë rritur me 15,3 %, krahasuar me një vit më parë.

Grupet që kanë ndikuar pozitivisht në rritjen vjetore të eksporteve, janë:

• “Minerale, lëndë djegëse, energji elektrike” me +5,6 pikë përqindje;
• “Materiale ndërtimi dhe metale” me +4,1 pikë përqindje;
• “Tekstile dhe këpucë” me +2,7 pikë përqindje.

Në ndryshimin vjetor të eksporteve ka ndikuar negativisht grupi: “Lëkurë dhe artikujt prej tyre” me -0,04 pikë përqindje.

Për më shumë klikoni këtu

Sipas të dhënave zyrtare të INSTAT, ndryshimi vjetor i indeksit të çmimeve të konsumit në muajin shtator 2018 është 2,1 %. Një vit më parë ky ndryshim ishte 1,6 %. Ndryshimi mujor i indeksit të çmimeve të konsumit në muajin shtator 2018, krahasuar me gusht 2018, është 0,2 %.

Ndikimi i grupeve kryesore në ndryshimin vjetor të indeksit të çmimeve të konsumit

• Rritja vjetore e çmimeve në muajin Shtator është ndikuar kryesisht nga grupi “Ushqime dhe pije joalkoolike” me +1,03 pikë përqindje;
• Çmimet e grupit “Qira, ujë, lëndë djegëse dhe energji” kanë kontribuar me +0,58 pikë përqindje.
• Çmimet e grupit “Transporti” kanë kontribuar me +0,19 pikë përqindje.
• Çmimet e grupit “Argëtim dhe kulturë” kanë kontribuar me +0,14 pikë përqindje.
• Çmimet e grupit “Pije alkoolike dhe duhan” kanë kontribuar me +0,06 pikë përqindje.
• Çmimet e grupit “Hotele, kafene dhe restorante” kanë kontribuar me +0,04 pikë përqindje.
• Çmimet e grupeve “Komunikimi” dhe “Veshje dhe këpucë” kanë kontribuar me +0,02 pikë përqindje secili.
• Çmimet e grupeve “Shërbimi arsimor” dhe “Mallra dhe shërbime të ndryshme” kanë kontribuar me +0,01 pikë përqindje secili.
• Çmimet e grupit “Shëndeti” kanë kontribuar me -0,01 pikë përqindje

Ndryshimet vjetore të grupeve kryesore

Krahasuar me muajin shtator 2017, rritja më e madhe e çmimeve vërehet në grupin:

• “Argëtim dhe kulturë” me 5,2 %;
• “Transporti” me 3,2 ;
• “Qira, ujë, lëndë djegëse dhe energji” me 2,8 %;
• “Ushqime dhe pije joalkoolike” me 2,6 %,
• “Pije alkoolike dhe duhan” me 1,7 %
• “Hotele, kafene dhe restorante” me 1,0 %;
• “Komunikimi” me 0, 7%;
• “Veshje dhe këpucë” me 0,6 %
• “Shërbimi arsimor” me 0,5 %, etj.

Brenda grupit të ushqimeve çmimet e nëngrupit “zarzavate përfshirë patatet” u rritën me 14,6 %, pasuar nga nëngrupet “fruta” me 3,8 %, “vajra dhe yndyrna me 2,2 %, “qumësht, djathë dhe vezë” me 1,2 %, etj. Nga ana tjetër çmimet e nëngrupit “sheqer, reçelna e ëmbëlsira” u ulën me 1,2 %.

Ndryshimet mujore të grupeve kryesore

Krahasuar me muajin gusht 2018 rritja më e madhe e çmimeve vërehet në grupin “Argëtim dhe kulturë” me 2,0 %, ndikuar kryesisht nga ndryshimi i çmimeve të teksteve shkollore.

Rritje patën dhe grupet “Veshje dhe këpucë” me 0,6 %, “Ushqime dhe pije joalkoolike” me 0,3 %, “Transporti” me 0,2 %, etj.

Ndërsa, çmimet e grupeve “Pije alkoolike dhe duhan”, “Hotele, kafene dhe restorante” dhe “Mallra dhe shërbime të ndryshme” shënuan një ulje prej 0,1 % secili.

Për më shumë klikoni këtu.

Sipas të dhënave zyrtare të INSTAT, ndryshimi vjetor i matur nga Indeksi i Harmonizuar i Çmimeve të Konsumit në muajin Gusht 2018 është 2,1 %.

Rritja më e madhe e çmimeve prej 3,4 %, vërehet në grupet “Ushqime dhe pije joalkoolike” dhe “Argëtim dhe kulturë”, pasuar nga grupet:

•  “Veshje dhe këpucë” dhe “Transporti” me 2,3 % secili;
• “Qira, ujë, lëndë djegëse dhe energji” 1,9 %;
• “Pije alkoolike dhe duhan” me 1,3 %;
• “Hotele, kafene dhe restorante” me 1,0 %;
• “Shërbimi arsimor” me 0,9%;
• “Komunikimi” me 0,7 %;
• “Mobilim, pajisje shtëpie dhe mirëmbajtje” me 0,5 %, etj.

Në muajin Gusht 2018, ndryshimi mujor i matur nga Indeksi i Harmonizuar i Çmimeve të Konsumit është 0,3 %. Ky ndryshim është ndikuar kryesisht nga rritja e çmimeve të grupit:

• “Ushqime dhe pije joalkoolike” me 0,8 %;
•  “Pije alkoolike dhe duhan” dhe “Argëtim dhe kulturë” me 0,3 % secili;
• “Mobilim, pajisje shtëpie dhe mirëmbajtje” me 0,1%.

Ndërsa, çmimet e grupit “Veshje dhe këpucë” u ulën me 0,1 %, krahasuar me muajin Korrik. Në grupet e tjera nuk pati ndryshime krahasuar me muajin e mëparshëm.

Për më shumë informacion klikoni dokumentin këtu.

Sipas të dhënave zyrtare të INSTAT,  eksportet e mallrave në muajin Gusht 2018, arritën vlerën 20 mld lekë, duke u ulur me 23,9 %, në krahasim me Korrik 2018. Importet e mallrave arritën vlerën 48 mld lekë, duke u ulur me 17,3 %, në krahasim me Korrik 2018. Deficiti tregtar i këtij muaji është 28 mld lekë, duke u ulur në krahasim me Korrik 2018.

Në tetëmujorin e vitit 2018 eksportet e mallrave arritën vlerën 205 mld lekë, duke u rritur me 16,1 %, krahasuar me një vit më parë dhe importet e mallrave arritën vlerën 416 mld lekë, duke u rritur me 4,0 %, krahasuar me një vit më parë. Deficiti tregtar arriti vlerën 211 mld lekë, duke u ulur me 5,6 %, krahasuar me vitin 2017.

Kontributi i grupeve kryesore në ndryshimin vjetor të eksporteve

Rritja vjetore e eksporteve, prej 10,4 %, këtë muaj është ndikuar kryesisht nga grupet:

• “Materiale ndërtimi dhe metale” me +2,1 pikë përqindje;
• “Minerale, lëndë djegëse, energji elektrike” me +11,1 pikë përqindje;
• “Makineri, pajisje, pjesë këmbimi” me +1,2 pikë përqindje“.

Në ndryshimin vjetor të eksporteve ka ndikuar negativisht grupi: “Tekstile dhe këpucë” me -2,6 pikë përqindje.

Eksportet, gjatë këtij tetëmujori, janë rritur me 16,1 %, krahasuar me një vit më parë. Grupet që kanë ndikuar pozitivisht në rritjen vjetore të eksporteve janë:

• “Minerale, lëndë djegëse, energji elektrike” me +6,0 pikë përqindje;
• “Materiale ndërtimi dhe metale” me +4,2 pikë përqindje;
• “Tekstile dhe këpucë” me +2,9 pikë përqindje.

Në ndryshimin vjetor të eksporteve ka ndikuar negativisht grupi: “Lëkurë dhe artikujt prej tyre” me -0,03 pikë përqindje.

Për më shumë klikoni këtu.

Sipas INSTAT, ndryshimi vjetor i indeksit të çmimeve të konsumit në muajin Gusht 2018 është 2,2 %, një vit më parë ky ndryshim ishte 1,6 %. Ndryshimi mujor i indeksit të çmimeve të konsumit në muajin Gusht 2018, krahasuar me Korrik 2018, është 0,4 %.

Ndikimi i grupeve kryesore në ndryshimin vjetor të indeksit të çmimeve të konsumit: 

Rritja vjetore e çmimeve në muajin Gusht është ndikuar kryesisht nga grupi:

• “Ushqime dhe pije joalkoolike” me +1,10 pikë përqindje;
• Çmimet e grupit “Qira, ujë, lëndë djegëse dhe energji” kanë kontribuar me +0,59 pikë përqindje;
• Çmimet e grupit “Transporti” kanë kontribuar me +0,18 pikë përqindje;
• Çmimet e grupit “Argëtim dhe kulturë” kanë kontribuar me +0,14 pikë përqindje;
• Çmimet e grupit “Veshje dhe këpucë” kanë kontribuar me +0,09 pikë përqindje;
• Çmimet e grupit “Pije alkoolike dhe duhan” kanë kontribuar me +0,06 pikë përqindje;
• Çmimet e grupit “Hotele, kafene dhe restorante” kanë kontribuar me +0,04 pikë përqindje;
• Çmimet e grupeve “Komunikimi” dhe “Shërbimi arsimor” kanë kontribuar me +0,02 pikë përqindje secili;
•  Çmimet e grupit “Mallra dhe shërbime të ndryshme” kanë kontribuar me +0,01 pikë përqindje;
• Çmimet e grupit “Shëndeti” dhe “Mobilje, pajisje dhe mirëmbajtje e shtëpisë” kanë kontribuar me -0,01 pikë përqindje secili.

Ndryshimet vjetore të grupeve kryesore:

Krahasuar me muajin Gusht 2017, rritja më e madhe e çmimeve vërehet në grupin “Argëtim dhe kulturë” me 5,3 %, pasuar nga grupet “Transporti” me 3,0 %, “Ushqime dhe pije joalkoolike” dhe “Qira, ujë, lëndë djegëse dhe energji” me 2,8 % secili, “Veshje dhe këpucë” me 2,4 %, “Pije alkoolike dhe duhan” me 1,8 %, “Hotele, kafene dhe restorante” me 1,1 %, “Komunikimi” dhe “Shërbimi arsimor” me 0,6 % secili, etj.

Brenda grupit të ushqimeve çmimet e nëngrupit “zarzavate përfshirë patatet” u rritën me 18,6 %, pasuar nga nëngrupet “vajra dhe yndyrna me 2,6 %, “peshk” me 2,4 %, etj.

Nga ana tjetër çmimet e nëngrupit “sheqer, reçelna e ëmbëlsira” u ulën me 1,0 %, pasuar nga“fruta” me 0,4 %, etj.

Ndryshimet mujore të grupeve kryesore:

Krahasuar me muajin Korrik 2018 rritja më e madhe e çmimeve vërehet në grupin “Ushqime dhe pije joalkoolike” me 0,8 %, pasuar nga “Argëtim e kulturë” me 0,4 %, “Transporti” me 0,3 %, “Mobilje, pajisje dhe mirëmbajtje e shtëpisë” me 0,2 %, “Hotele, kafene dhe restorante” me 0,1 %. Ndërsa, çmimet e grupit “Veshje dhe këpucë” shënuan një ulje prej 0,2 %.

Për më shumë shikoni këtu

Sipas të dhënave zyrtare të INSTAT, indeksi i çmimeve të prodhimit arriti 103,5, në tremujorin e dytë të vitit 2018,  duke u rritur me 2,4 %, në krahasim me tremujorin e dytë 2017.

Indeksi i çmimeve të prodhimit, në tremujorin e dytë 2018, shënoi rritje me 0,2 %, krahasuar me tremujorin e parë 2018.

Ndryshimi vjetor i indeksit të çmimeve të prodhimit

• Rritjen më të madhe e kanë shënuar çmimet e prodhimit në seksionin “Industri nxjerrëse” me 17,5 %. Brenda kësaj industrie vihet re rritja e çmimeve të prodhimit të produkteve në nxjerrjen e naftës bruto dhe gazit natyror me 31,0 %.
• Në tremujorin e dytë 2018, çmimet e prodhimit në aktivitetet e “Industrisë përpunuese” kanë shënuar ulje me 0,9 %, krahasuar me tremujorin e dytë 2017. Ndikimin kryesor në këtë ulje e kanë dhënë çmimet e prodhimit të produkteve në aktivitetin “Përpunimi i produkteve ushqimore” me 2,7 %, “Metalurgjia” me 1,1 %, “Konfeksionimi i veshjeve” me 2,4 % dhe “Prodhimi i lëkurës dhe produkteve prej lëkure” me 2,1 %.

Indeksi i çmimeve të prodhimit për produktet vendase arriti 100,9, duke u rritur me 1,2 %, krahasuar me tremujorin e dytë të vitit 2017.

Indeksi i çmimeve të eksportit arriti 108,4, duke u rritur me 4,4 %, krahasuar me të njëjtën periudhë të vitit të mëparshëm.

Ndryshimi tremujor i indeksit të çmimeve të prodhimit

Indeksi i çmimeve të prodhimit, në tremujorin e dytë 2018, shënoi rritje me 0,2 %, krahasuar me tremujorin e parë 2018.

• Çmimet e prodhimit, në seksionin ”Industri Nxjerrëse” shënuan rritje me 5,6 %, krahasuar me tremujorin e parë 2018.
• Çmimet e prodhimit në aktivitetin “Nxjerrja e naftës bruto dhe gazit natyror” janë rritur me 10,7 %.
• Çmimet e prodhimit në seksionin “Industri përpunuese” kanë shënuar ulje me 0,6 %, krahasuar me tremujorin e mëparshëm. Ndikimin kryesor në këtë ulje e kanë dhënë çmimet e prodhimit të produkteve në aktivitetin “Prodhimi i produkteve minerale jo metalike” me 0,6 %, “Përpunimi i produkteve ushqimore” me 1,0 % dhe “Metalurgjia” me 0,4 %.

Krahasuar me tremujorin e parë të vitit 2018, indeksi i çmimeve të prodhimit për produktet vendase ka shënuar ulje me 0,1 %. Në këtë ulje ndikim kryesor e ka dhënë ulja e çmimeve të prodhimit të produkteve në seksionin “Industri Përpunuese” me 0,2 %.

Çmimet e prodhimit të produkteve për eksport kanë shënuar rritje me 1,1 %, krahasuar me tremujorin e mëparshëm. Ndikimin kryesor në këtë rritje e kanë dhënë çmimet e prodhimit të produkteve në seksionin “Industri Nxjerrëse” me 7,8 %.

Për më shumë informacion klikoni në dokumentin këtu

Sipas të dhënave zyrtare të INSTAT, ndryshimi vjetor i matur nga Indeksi i Harmonizuar i Çmimeve të Konsumit në muajin Qershor 2018 është 2,1 %.

Rritja më e madhe e çmimeve prej 3,7 %, vërehet në grupin “Argëtim dhe kulturë”, pasuar nga grupet:

• “Ushqime dhe pije joalkoolike” me 3,4 %;
• “Veshje dhe këpucë” me 3,0 %;
• “Transporti” me 2,6 %;
• “Qira, ujë, lëndë djegëse dhe energji” 2,2 %;
• “Pije alkoolike dhe duhan” me 1,0 %;
• “Shërbimi arsimor” me 0,9%;
• “Komunikimi” dhe “Hotele, kafene dhe restorante” me 0,7 % secili;
• “Mobilim, pajisje shtëpie dhe mirëmbajtje” me 0,5%, etj.

Në muajin Qershor 2018, ndryshimi mujor i matur nga Indeksi i Harmonizuar i Çmimeve të Konsumit është -0,1 %. Ky ndryshim është ndikuar kryesisht nga ulja e çmimeve të grupeve “Shëndeti” dhe “Hotele, kafene dhe restorante” me 0,3 % secili, pasuar nga grupi “Ushqime dhe pije joalkoolike” me 0,2 %. Ndërsa, çmimet e grupit “Veshje dhe këpucë” u rritën me 0,5 %, pasuar nga grupet “Pije alkoolike dhe duhan”, “Qira, ujë, lëndë djegëse dhe energji” dhe “Transporti” me 0,2 % secili. Në grupet e tjera nuk pati ndryshime krahasuar me muajin e mëparshëm.

Për më shumë informacion, lutemi klikoni këtu

Sipas të dhënave zyrtare të INSTAT, në muajin Qershor 2018 ndryshimi vjetor i indeksit të çmimeve të konsumit është 2,4 %. Ndryshimi mujor i indeksit të çmimeve të konsumit në muajin Qershor 2018, krahasuar me Maj 2018, është -0,1 %.

Ndikimi i grupeve kryesore në ndryshimin vjetor të indeksit të çmimeve të konsumit

Rritja vjetore e çmimeve në muajin Qershor është ndikuar kryesisht nga grupi:

• “Ushqime dhe pije joalkoolike” me +1,25 pikë përqindje;
• “Qira, ujë, lëndë djegëse dhe energji” kanë kontribuar me +0,59 pikë përqindje;
• “Transporti” kanë kontribuar me +0,19 pikë përqindje;
• “Veshje dhe këpucë” kanë kontribuar me +0,12 pikë përqindje;
• “Argëtim dhe kulturë” kanë kontribuar me +0,11 pikë përqindje;
• “Pije alkoolike dhe duhan” kanë kontribuar me +0,06 pikë përqindje;
• “Hotele, kafene dhe restorante” kanë kontribuar me +0,03 pikë përqindje;
• “Komunikimi” dhe “Shërbimi arsimor” kanë kontribuar me +0,02 pikë përqindje secili;
• “Mallra dhe shërbime të ndryshme” kanë kontribuar me +0,01 pikë përqindje;
• “Shëndeti” kanë kontribuar me -0,01 pikë përqindje;

Ndryshimet vjetore të grupeve kryesore:

Krahasuar me muajin Qershor 2017, rritja më e madhe e çmimeve vërehet në grupin “Argëtim dhe kulturë” me 4,2 %, pasuar nga grupet “Veshje dhe këpucë” me 3,3 %, “Ushqime dhe pije joalkoolike” me 3,2 %, “Transporti” me 3,1 %, “Qira, ujë, lëndë djegëse dhe energji” me 2,9 %, “Pije alkoolike dhe duhan” me 1,6 %, “Hotele, kafene dhe restorante” me 0,9 %, “Komunikimi” dhe “Shërbimi arsimor” me 0,6 % secili, etj. Brenda grupit të ushqimeve çmimet e nëngrupit “zarzavate përfshirë patatet” u rritën me 22,6 %, pasuar nga nëngrupet “peshk” me 2,9 %, “vajra dhe yndyrna me 2,5 %, “fruta” me 0,9 %, etj.

Nga ana tjetër çmimet e nëngrupit “sheqer, reçelna e ëmbëlsira” u ulën me 0,6 %.

Ndryshimet mujore të grupeve kryesore:

Krahasuar me muajin Maj 2018, ulja më e madhe e çmimeve vërehet në grupin “Shëndeti” me 0,5 %, pasuar nga grupi “Ushqime dhe pije joalkoolike” me 0,3 %. Ndërsa, çmimet e grupit “Transporti” shënuan një rritje prej 0,6 %, pasuar nga grupet “Veshje dhe këpuce” 0,5 %, “Pije alkoolike dhe duhan” dhe “Qira, ujë, lëndë djegëse dhe energji” me 0,1 % secili.

Produkti i Brendshëm Bruto (P.B.B) në tremujorin e parë të vitit 2018 vlerësohet me rritje prej 4,45 %, kundrejt tremujorit të parë të vitit 2017.

Kontributin kryesor në këtë rritje e kanë dhënë degët: Industria, Energjia dhe Uji me +2,42 pikë përqindje, Tregti, Transport, Akomodim dhe Shërbim ushqimor me +0,54 pikë përqindje, Bujqësisë, Pyjeve dhe Peshkimit me +0,37 pikë përqindje, Aktivitete profesionale dhe Shërbime administrative me +0,30 pikë përqindje, Administrata publike, Arsimi dhe Shëndetësia me +0,28 pikë përqindje, Ndërtimi me +0,17 pikë përqindje, Arte, argëtim dhe çlodhje, Aktivitete të tjera shërbimi me +0,11 pikë përqindje.

Negativisht kontribuoi aktiviteti i Informacionit dhe Komunikacionit me -0,09 pikë përqindje, Aktivitete Financiare dhe te Sigurimit me – 0,04 pikë përqindje. Taksat Neto mbi produktet kontribuan pozitivisht me + 0,39 pikë përqindje

Në Maj 2018 eksportet e mallrave arritën vlerën 30 mld lekë, duke u rritur me 24,2 %, në krahasim me të njëjtën periudhë të një viti më parë dhe me 12,7 %, në krahasim me Prill 2018.

Importet e mallrave arritën vlerën 57 mld lekë, duke u rritur me 1,9 %, në krahasim me një vit më parë dhe me 7,9 %, në krahasim me Prill 2018. Deficiti tregtar i këtij muaji është 27 mld lekë, duke u ulur me 15,3 %, krahasuar me Maj 2017 dhe duke u rritur me 3,0 %, në krahasim me Prill 2018.

Kontributi i grupeve kryesore në ndryshimin vjetor të eksporteve

Rritja vjetore e eksporteve prej 24,2 %, këtë muaj është ndikuar kryesisht nga grupet:

• “Minerale, lëndë djegëse, energji elektrike” me +12,0 pikë përqindje;
• “Tekstile dhe këpucë” me +4,8 pikë përqindje;
• “Materiale ndërtimi dhe metale” me +4,6 pikë përqindje.

Në ndryshimin vjetor të eksporteve ka ndikuar negativisht grupi: “Lëkurë dhe artikuj prej tyre” me -0,2 pikë përqindje.

Eksportet, gjatë këtij pesëmujori janë rritur me 18,4 %, krahasuar me një vit më parë

Në ndryshimin vjetor të eksporteve nuk ka ndikuar negativisht asnjë grup. Grupet që kanë ndikuar pozitivisht në rritjen vjetore të eksporteve, janë: “Minerale, lëndë djegëse, energji elektrike” me +5,3 pikë përqindje, “Tekstile dhe këpucë” me +4,5 pikë përqindje, “Materiale ndërtimi dhe metale” me +4,5 pikë përqindje.

Për më shumë klikoni këtu