Njoftime

Në data 5-10 nëntor 2019,  Shanghai, Kinë, do te zhvillohet Ekspozita e dytë Ndërkombëtare e Importit në Kinë (CIIE).

Kjo ekspozite do të përfshijë fushat ekspozuese të Cilësisë së jetës, Pajisjet, Automobilistikë, Ushqime dhe Produkte Bujqësore, Pajisjet Mjekësore dhe Produkte Shëndetësore, Tregti në Shërbime, Sci-tech Life. Eventi ka synim te  lehtësoje vendet dhe rajonet në mbarë botën për të forcuar bashkëpunimin ekonomik dhe tregtar, për të çuar përpara një ekonomi botërore të hapur dhe për të mbështetur globalizimin ekonomik.

Ekspozita e Dytë Ndërkombëtare e Importit në Kinë (CIIE), është ekspozita e parë e importit në botë që mbahet në nivel kombëtar dhe një risi në historinë e tregtisë globale për të mbështetur fuqimisht liberalizimin e tregtisë dhe globalizimin ekonomik dhe në mënyrë aktive të zgjerojë qasjen e tregut në pjesën tjetër të botës.  Në vitin 2018, Ekspozita CIIE Enterprise & Business kishte 7 seksione ekspozimi me një sipërfaqe prej 270,000 metra katrorë. Në këtë ekspozitë morën pjesë 3,617 kompani nga 151 shtete dhe rajone dhe shuma e marrëveshjeve të qëllimshme arriti në 57.83 miliardë dollarë.

Organizatoret mirëpresin delegatët e qeverisë, komunitetet e biznesit, ekspozuesit dhe blerësit nga e gjithë bota për të marrë pjesë në CIIE dhe për të eksploruar tregun kinez, duke ofruar treg të ri për vendet dhe rajonet për të kryer biznes, për të forcuar bashkëpunimin dhe për të promovuar prosperitetin e përbashkët të ekonomisë botërore dhe tregtisë.

Për më shumë informacion, shihni Broshurën – China International Import Expo-CIIE 2019, si dhe Formularin e Aplikimit nese jeni te interesur per te qene pjese e kesaj ekspozite.

Në datat 15-18 shtator 2019, në Fiera Milano(Rho) do të mbahet panairi MICAM.

MICAM është një nga panairet më të rëndësishëm ndërkombëtar të këpucëve në botë, që paraqet një fokus të veçantë në tendencat më të reja të modës. Ngjarja mbahet dy herë në vit në Milano, kryeqytetin e modës, në ambjentet moderne dhe funksionale te Qendrës së Panaireve Rho Fiera.

Kompanitë do të kenë mundësi takimi me blerës nga e gjithë bota, të lançojnë produktet e reja, të krijojnë ose konsolidojnë marrëdhëniet e biznesit. Në këtë event pjesëmarrësit do të gjejnë cilësinë, kreativitetin, aftësinë dhe shpirtin inovativ të kompanive më të mira.

Datat e ardhshme për vitin 2020 do të jenë 16-19 shkurt dhe 20-23 shtator.

Për më tepër informacion rreth panairit vizitoni linkun: MICAM

Në datat 4-5 qershor 2019, do të zhvillohet Samiti i 9-të i Sipërmarrjes Globale (GES), në Hagë, Holandë. Organizohet nga dy prej vendeve më inovative në botë, Shtetet e Bashkuara dhe Holanda. Ky aktivitet ka si qëllim bashkimin e bizneseve, investitorëve, krijues të politikave dhe novatorë, për të ndihmuar bizneset lokale të arrijnë tregun global, të tërheqin vëmendjen e investitorëve kryesorë dhe të përfaqësohen jashtë vendit. GES këtë vit do të fokusohet në kompani me zgjidhje inovative në fusha si: bujqësi, komunikim, energji, shëndetësi, ujë dhe do të sjellë së bashku 1200 sipërmarrës që punojnë në këto fusha dhe rreth 400 investitorë.

Synimi i Holandës është që GES 2019 të bëhet një treg global vecanërisht për sipërmarrësit e rinj, duke qenë se ata janë të fokusuar në zhvillimet më të fundit të teknologjisë dhe aplikimin e saj në treg, gjë që sjell kontribute në rritjen ekonomike, prosperitetin dhe krijimin e vendeve të reja të punës, me synim trajtimin e sfidave globale të sotmes dhe të së ardhmes.

Për më tepër informacion mbi Samitin dhe mënyrën e aplikimit mund t’i referoheni linkut : https://www.ges2019.org/

Në datat 28 dhe 29 maj në Barcelonë do të organizohet eventi i  Ndërmjetësimit “Free from Food Expo”,  i cili vjen si pjesë e panairit “Free from Functional Food Expo”, Rrjeti i Ndërmarrjeve Evropiane. Përveç të gjitha  formave  të paketimit të produkteve ushqimore, ky panair do të fokusohet edhe në “Paketimin e Lirë nga Plastikat”.

Gjatë eventin pjesëmarrësit do të kenë mundësi të takojnë partnerë të mundshëm të biznesit nga e gjithë bota. Pjesëmarrja është pa pagesë.

Regjistrohuni sot dhe gjeni partnerin tuaj potencial të biznesit!

Për më shumë informacion rreth eventit dhe kompanitë pjesëmarrëse do ti gjeni duke klikuar këtu.

Në datën 8 maj 2019 në Tiranë do të organizohet workshop – i me temë “Balkan Project – Agricultural Mechanization”, dedikuar prespektivave të zhvillimit të sektorit bujqësor,

Eventi organizohet nga Agjencia Italiane e Tregtisë (ICE), seksion i Ambasadës italiane për shkëmbimet tregtare, në bashkëpunim me FederUnacoma(Shoqata italiane e prodhuesve të makinerive dhe pajisjeve bujqësore).

Ky workshop do të shoqërohet me takime B2B me kompani italiane të specializuara në:

• makineri dhe pajisje bujqësore
• pjesë këmbimi dhe aksesorë për makineri bujqësore
• komponentë hidraulik për bujqësinë
• pompa për trajtim me produkte kimike agresive dhe për vaditje
• tuba polietileni për vaditje

Për më shumë informacione dhe kompanitë italiane pjesëmarrëse do ti gjeni duke klikuar këtu.

Do të mbahet në datat 10-12 Maj 2019 Edicioni i 4rt, i Festivalit të Ushqimit dhe Pijeve i organizuar nga Expocity Albania. Ky aktivitet fton në një platformë të përbashket aktorët më të rëndësishëm të vendit, rajonit dhe më gjerë.

Festivali i Ushqimit dhe Pijeve 2019 vjen në këtë edicion të 4rt, me fokus për të vendosur në qëndër të vëmendjes, zhvillimet më të fundit në industrinë ushqimore dhe të pijeve duke ju ofruar të gjitha shoqërive që operojnë në treg, mundësinë e promovimit të produkteve dhe shërbimeve të tyre. Risitë në industrinë ushqimore dhe atë të pijeve, siguria ushqimore, promovimi i vlerave të kulinarise etj, do të jenë kryefjala e këtij organizimi. Ky event do të zhvillohet nën moton “Provo, Shijo, Gëzo”, duke u shndërruar në eventin më të rëndësishëm të promovimit të industrisë ushqimore dhe të pijeve.

Festivali i Ushqimit dhe Pijeve 2019 do të ofrojë jo vetëm një platformë ekspozimi, por gjithashtu edhe mundësinë e organizimit të live show me degustime nga shefa të njohur të kuzhinës, si ndjekja nga afër e kuzhinierëve dhe bartenderave më në zë, të cilët performojnë live, konkursin e përvitshem të verës, degustime pijesh të tjera si: konjak, verë, kokteile, madje edhe degustim të kafes. Nuk do të mungojnë edhe seminaret informuese për sigurinë ushqimore dhe workshops e panele me aktorët kryesorë mbi të rejat dhe trendet e sektorit.

Për më tepër informacion dhe regjistrimin lidhur me eventin vizitoni linkun: Food-drink-festival-2019