Në datat 9 – 12 Qershor 2018, zhvillohet panairi ndërkombëtar i mallrave të konsumit në Ningbo, Kinë. Ndër të tjera ky panair ka në fokus mallra të konsumit si tekstile dhe veshje, produkte sportive dhe të kohës së lirë.
“China International Consumer Goods Fair” jep mundësi të shumta partneriteti mes bizneseve pjesëmarrëse, duke i ofruar atyre tregje të reja për eksport.
Për më shumë informacion: https://www.tradefairdates.com/China-International-Consumer-Goods-Fair-CICGF-M9408/Ningbo.html
Delegacioni Evropian në Shqipëri, zhvilloi më datë 27 prill 2018, një takim me komunitetin e biznesit, në kuadër të kontekstit të miratimit të Raportit 2018 për Shqipërinë. Bashkimi i Prodhuesve Shqiptarë në këtë takimi u përfaqësua nga Sekretari i Përgjithshëm, z. Arben Shkodra.
Diskutimet mbi gjetjet kyçe të Raportit e kanë bëjnë të qartë se ndonëse progresi i Shqipërisë drejt një ekonomie tregu funksionale është i dukshëm, duhet të zbatohen reforma të mëtejshme për të përmirësuar mjedisin e biznesit, rregulloret që lidhen me biznesin, si dhe cilësinë e arsimit, për t’i pajisur më mirë njerëzit me aftësitë që nevojiten në tregun e punës.
[slider style=”flat” category=”Eu Delegation Report 2018″ orderby=”date” order=”ASC”]
Industria e riciklimit, pjesë e sektorit të ekonomisë, ndodhet në një trysni të fortë nga shumë drejtime, lidhur me mbarëvajtjen e aktivitetit siç është mungesa e lëndës së parë, siç janë një seri normash, apo ligjesh që janë hartuar apo po hartohen pa pjesëmarrjen apo kontributin e ricikluesve si grupim interesi, siç janë politikat e ndryshme që janë ndërmarrë apo po ndërmerren me prevalencën e hallkave të ndryshme të menaxhimit të mbetjeve në dëm të riciklimit. Të gjitha këto arsye kanë influencuar që ndërmarrjet e riciklimit që përfaqësonin 1% të PBB, ndodhen në kushtet e gati të falimentimit.
Sot, jemi në kushtet e 20% ose më pak, e kapaciteteve prodhuese, në këtë industri. Situata është dramatike dhe jemi pranë anullimit të njërës prej hallkave më të rëndësishme të menaxhimit në tërësi të mbetjeve dhe një nga sektorët më të rëndësishëm dhe më strategjik të ekonomive të vendeve të BE-së.
Për më shumë mbi problemet e riciklimit në Shqipëri, lutemi shihni në linkun: https://www.youtube.com/watch?v=ZbDlyq5L2gk
Në datat 11-14 shtator 2018, në Fiera Milano(Rho), Itali, do të zhvillohet panairi ndërkombëtar i këpucëve. MICAM është një nga panairet më të rëndësishëm ndërkombëtar të këpucëve në botë, që paraqet një fokus të veçantë në tendencat më të reja të modës.
Kompanitë pjesëmarrëse do të kenë mundësi takimi me blerës nga e gjithë bota, të lançojnë produktet e reja, të krijojnë ose konsolidojnë marrëdhëniet e biznesit.
Për të gjithë kompanitë shqiptare dhe të apasionuarit pas modës, të interesuar për të qënë pjesë e tij, të vizitojnë linkun: http://www.themicam.com/
Në portalin e-Albania janë shtuar 13 shërbime të reja me pagesë të Drejtorisë së Përgjithshme të Tatimeve (DPT). Shërbimet e reja lidhen specifikisht me pagesën e taksave, tatimeve, tarifave dhe detyrimeve të ndryshme që duhet të paguajë biznesi.
Subjektet tatimpaguese mund të kryejnë online pagesa, që deri tani i kanë kryer pranë sporteleve bankare.
Nëpërmjet e-shërbimeve të reja të DPT-së, bizneset mund të kryejnë online një sërë pagesash si:
Gjatë ditës së sotme, 20 prill 2018, Ministria për Evropën dhe Punët e Jashtme, në kuadrin e përgatitjeve për negociatat e anëtarësimit me BE, zhvilloi një takim me shoqërinë civile lidhur me rolin e OSHC-ve dhe aktorëve të tjere të shoqërisë civile në këtë proces. Në këtë takim mori pjesë dhe Sekretari Përgjithshëm i Bashkimit të Prodhuesve Shqiptarë z. Arben Shkodra.
Në fjalën e tij z. Shkodra theksoi rolin dhe rëndësinë e prodhuesve në procesin e negociatave, përfshirja e komunitetit të biznesit në dialogun e negociatave, si dhe krijimin e tryezave permanente me biznesin.
Gjatë ditës së sotme, datë 19 prill 2018, Bashkimi i Prodhuesve Shqiptarë mori pjesë në takimin e zhvilluar nga Organizata e Kombeve të Bashkuara në Shqipëri, mbi “Integrimin dhe mbështetjen e politikave të përshpejtimit të zhvillimit të qëndrueshëm ekonomik, në Shqipëri – roli i sektorit privat”.
Si kontribuon sektori privat në zbatimin e axhendës 2030, në lidhje me pjesëmarrjen/bashkëpunimin, kontributin dhe mundësitë që i ofrohen këtij sektori.
[slider style=”flat” category=”SDGs in Albania” orderby=”date” order=”ASC”]
Në datat 24 – 26 prill 2018, në Bruksel, Belgjikë, do të zhvillohet Ekspozita Europiane e Prodhimeve të Detit si eventi më i madh botëror i prodhimeve të detit që mbledh këtë vit më shumë se 1,850 kompani ekspozuese nga 79 vende të botës.
Seafood Expo Global 2018 është një mundësi shumë e mirë për të takuar profesionistë të kësaj industrie dhe për të krijuar ura bashkëpunimi. Pjesëmarrësit në këtë panair do të gjejnë produktet më të mira të detit, të vëna në dispozicion në një shkallë globale.
Për më shumë informacion rreth panairit dhe pjesëmarrjes vizitoni linkun: https://www.seafoodexpo.com/global/exhibit/
Drejtoria e Përgjithshme e Tatime në një njoftim zyrtar të saj kujton tatimpaguesit se në zbatim të Ligjit nr. 8438, datë 28.12.1998 “Për tatimin mbi të ardhurat”, i ndryshuar, mbi dorëzimin e deklaratës së pagesës së Tatim Fitimit dhe pasqyrave financiare për vitin fiskal 2017, brenda datës 30 Mars 2018.
Administrata tatimore ju këshillon të dorëzoni saktë pasqyrat financiare, si dhe të deklaroni e paguani Tatimin mbi Fitimin.
Me përfundimin e këtij procesi administrata tatimore do të fillojë verifikimin e pasqyrave financiare për ata tatimpagues, të cilët rezultojne me ulje të Tatim Fitimit dhe me deklarata zero.
Sipas një njoftimi zyrtar nga Drejtoria e Përgjithshme e Tatimeve, në muajin prill të gjithë tatimpaguesit do të kenë mundësi të njohin në kohë reale çdo detyrim të papaguar që mund të kenë.
Ky shërbim do të mund të merret vetëm duke telefonuar në numrin pa pagesë të Qendrës së Thirrjeve (0800 00 02). Orari i shërbimit është: E hënë- e Enjte ora 08:30 – 18:00.
Të gjithë tatimpaguesit e interesuar, të cilët do të telefonojnë për të njohur detyrimet e tyre të papaguara në kohë reale duhet patjetër të disponojnë këto informacione:
-Numrin Unik të Identifikimit (NUIS)
-Numrin personal të sigurimit shoqëror (SSHN)
-Statusin e regjistrimit të tatimpaguesit (aktiv, pasiv, i çregjistruar etj )
Në vitin 2016, një grup shoqërish prodhuese më në zë në territorin e Shqipërisë iniciuan themelimin e një entiteti të vetëm për t’i ardhur në ndihmë industrisë prodhuese vendase.
