Njoftime

Z. Astrit Shabani nga Klubi i Prodhuesve të Kosovës, ishte i pranishëm  në ceremoninë dhe darkën gala të organizuar me rastin e një vjetorit të themelimit të Bashkimit të Prodhuesve Shqiptarë, ku morën pjesë rreth 200 të ftuar, ministra e përfaqësues të institucioneve publike, ambasadorë,  përfaqësues të organizatave të huaja në Shqipëri , përfqësues të USAID nga Shtetet e Bashkuara të Amerikës, partnerë nga Klubi i Prodhuesve të Kosovës e Maqedonia, gazetarë dhe prodhues të të gjithë sektorëve në Shqipëri.

Z. Astrit Shabani u shpreh se prodhuesit shqiptare në Kosovë Maqedoni e Shqipëri i kanë hequr tashmë barrierat, dhe është rradha e qeverive respektive qe të bëjnë të njëjtën gjë. Pasi vlerësoi punën e prodhuesve shqiptarë të të gjitha trevave, ai ftoi konsumatorët shqiptarë të konsumojnë shqip, të konsumojnë produkte vendase sepse përvecse përfitojnë produkte cilësore, mbështesin konkurrimin e denjë të produkteve shqiptare në tregun evropian.

Z. Nagib Fejzi, Kryetar i Forumit Ekonomik të Prodhuesve Shqiptarë ishte i pranishëm  në ceremoninë dhe darkën gala të organizuar me rastin e një vjetorit të themelimit të Bashkimit të Prodhuesve Shqiptarë, ku morën pjesë rreth 200 të ftuar, ministra e përfaqësues të institucioneve publike, ambasadorë,  përfaqësues të organizatave të huaja në Shqipëri , përfqësues të USAID nga Shtetet e Bashkuara të Amerikës, partnerë nga Klubi i Prodhuesve të Kosovës e Maqedonia, gazetarë dhe prodhues të të gjithë sektorëve në Shqipëri.

Z. Fejzi gjatë fjalës së tij u shpreh se në të gjitha vendet e Evropës ku ka pasur rastin të shkojë, nuk ka gjetur një organizim kaq të konsoliduar dhe një frymë bashkëpunimi kaq të mirë siç ka ndodhur midis prodhuesve te Kosovës, Shqipërisë dhe Maqedonisë. Z. Fejzi u shpreh i bindur se Bashkimi i Prodhuesve Shqiptarë, me kaq arritje vetëm në nje vit punë, po merr rolin e organzimit vullnetar më të rendësishëm në Shqipëri përsa i përket industrisë së prodhimit dhe ftoi prodhuesit në Shqiperi të bëhen pjesë e këtij organizimi.

Në Prishtinë u mbajt Forumi i parë Ekonomik i Bizneseve të Diasporës Shqiptare. Në forumin dy ditor u mblodhën ashtu siç ishin planifikuar rreth 500 afaristë. Në këtë forum morën pjesë edhe prodhues nga Shqipëria, anëtarë të Bashkimit të Prodhuesve Shqiptarë.

Qindra biznese e panë forumin si mundësi për krjimin e kontakteve, zgjerimin e bizneseve të tyre, identifikimin e mundësive për investim në Kosovë etj. Naim Dedushaj, drejtori për investime në Ministrinë e Diasporës hapi forumin duke thënë se ishte krenar që u arrit të mblidhen qindra biznese shqiptarë në Prishtinë, në kuadër të këtij forumi.

“Filluam me një përkushtim të madh nga viti 2011 deri tani. Janë disa vite ku me një punë të madhe arritëm që sot këtu të jemi të gjithë të bashkuar si forcë e rëndësishme ekonomike.

Gjithë kjo punë e madhe që është bërë me krijimin e rrjeteve të bizneseve në 25 vende të botës ishte angazhim i madh, por po vazhdojme me projekte tjera madhore siç është projekti ALB- Expo, që hap dyert për prodhuesit shqiptarë tek diaspora dhe shtetet tjera.

Nazar Mehmeti, president i Rrjetit Global të Diasporës Shqiptare tha që kjo është një ëndërr e bërë realitet. “Qindra biznese janë mbledhur në Prishtinë për të rritur bashkëpunimin mes vete dhe për të ndihmuar vendet tona. Ne do të bëjmë më të mirën që mundemi për vendet tona. Ne vetëm kërkojmë nga president Thaçi, kryeminstër Haradinaj, të punoni me ne dhe rezultatet nuk do të mungojnë”, ka thënë Mehmeti.

Të pranishëm në darkën e përbashkët – Gala Dinner – ku të pranishmit u shërmbyen me prodhime vendase, ishin përfaqësuesit më të lartë të shtetit. Presidenti Hashim Thaçi, kryeministri Ramush Haradinaj, ministri i Diasporës së Shqipërisë, Pandeli Majko, ministri i diasporës së Kosovës Dardan Gashi, ushtruesja e detyrës së Drejtorit të misionit USAID – Kosovë Liza Magno etj. Kjo ngjarja ekonomike është përkrahur zyra e USAID-it në Kosovë.

Liza Magno nga USAID tha se përkrahja e tillë do të vazhdojë:

“Fuqizimi i Sektorit Privat i USAID-it, përmes partneritetit me Rrjetin e Bizneseve Shqiptare në Botë mështetë përpjekjet për lidhjen e diasporës me bizneset në Kosovë me qëllim të ndihmesës në identifikimin e mundësive të investimit dhe eksportit për produktet dhe shërbimet në Kosovë si dhe mbështetjes së objektivave të përbashkëta për rritje të qëndrueshme ekonomike në Kosovë”.
Ndërsa, përfaqësuesit e shtetit falenderuan kontributin e biznesmenëve të diasporës duke i ftuar që  të shohin edhe më tej mundësitë e investimit në Kosovë.

Kryeministri Haradinaj e plotësoi festën duke njoftuar publikisht për një njohje të re që iu bë shtetit të Kosovës, njohja nga Madagaskari. Ndërsa sa i përket bashkëpunimit me bizneset ai tha që “unë jam këtu për të zbatuar ato që iu i kërkoni”. “Puna jonë tani duhet të zhvillohet në zhvillimin e shtetit tonë, si shteti më i ri, me potencialin më të madh ekonomik. Jemi krenar me ju. Për gjithë kontributin tuaj dhënë shtetit të Kosovës” tha mes të tjerash presidenti Thaçi.

Në forumin ekonomik ishte i pranishëm edhe Pandeli Majko si përfaqësues i qeverisë së Shqipërisë.

[slider style=”flat” category=”Forumi Diaspores” orderby=”date” order=”ASC”]

Administrata tatimore kujton se çdo transaksion i kryer gabim nga tatimpaguesi në pajisjen fiskale duhet të vet-deklarohet duke depozituar një kërkesë për korrigjim pranë Drejtorisë Rajonale Tatimore.

Në rastet kur si rezultat i një gabimi të pavullnetshëm, nga ana e tatimpaguesit, është regjistruar një veprim shitjeje i pa realizuar (gabim) nga ana e tatimpaguesit veprohet si më poshtë:

• Tatimpaguesi njofton Drejtorinë Tatimore Rajonale ku është i regjistruar, me një procesverbal (i cili klikohet e shkarkohet nga faqja www.tatime.gov.al, në rubrikën Pajisjet Fiskale/Formularë për pajisjet fiskale);
• DPT do të bëjë reflektimin e këtij gabimi në të dhënat e regjistruara në serverin e raportimeve të shitjeve duke e korrigjuar atë (nëpërmjet pasqyrimit në një kolonë të veçantë)

Kujdes! Subjekti pavarësisht kërkesës për korrigjim do të vazhdojë normalisht raportimin e shitjeve. Shifra e raportuar do të tregojë xhiron reale pas zbritjes së gabimit (korrigjimit/rregullimit) nga ana e DPT-së.

Nëse tatimpaguesi nuk bën kërkesë në drejtorinë rajonale për të korigjuar gabimet në shtypjen e kuponit tatimor atëherë aplikohet dënimi administrativ për mosreflektimin real të situatës financiare dhe lëshim të gabuar të kuponit tatimor.

Administrata Tatimore ka analizuar transaksionet që tatimpaguesit persona fizikë dhe juridikë kryejnë nëpërmjet pajisjeve fiskale ku rezulton se tatimpaguesit kanë shtypur kupona tatimorë me vlera të larta ose kupona tatimorë me vlerë 0.

Në bashkëpunim me Drejtoritë Rajonale Tatimore, po verifikohet numri i tatimpaguesve të cilët kanë reklamuar gabimin e kryer në shtypjen e pajisjeve fiskale ndaj ftojmë tatimpaguesit të respektojnë detyrimin e tyre si më sipër.

Në kuadër të 80-vjetorit të marrëdhënieve diplomatike midis Shqipërisë dhe Polonisë, Ministria për Evropën dhe Punët e Jashtme dhe Ambasada e Republikës së Shqipërisë në Poloni, në datë 6 dhjetor 2017, në ambientet e Qendrës së Dhomës së Tregtisë së Polonisë do të zhvillohet Forumi Ekonomik Shqipëri – Poloni me fokus: Investimet, Tregtinë dhe Turizmin, me qëllim nxitjen e investimeve dhe promovimin e produkteve shqiptare, për ato çfarë kërkon tregu polak dhe ato që i ofron atij Shqipëria.

Temat kryesore të forumit do të jenë:

– investimet;

– shkëmbimet tregtare dhe turizmi;

– përpunimi i produkteve bujqësore/ushqimore, teknologjitë e kësaj fushe;

– export/import i produkteve bujqësore;

– produktet e lëkurës dhe këpucëve

– sektori i energjisë (hidrocentralet, energjia diellore, energjia e erës, etj);

– turizmi, know- how, pajisjet për hotelet (dizajn të brendshëm, mobilje, dritare, etj);

– infrastruktura – hekurudhat (rivitalizimi i rrugëve hekurudhore në Shqipëri);

– autostradat, portet, etj, por edhe fusha të tjera, për të cilat ju mendoni se paraqesin dhe keni interes.

Ndërsa ekipi zyrtar do të ketë në fokus informimin dhe promovimin e Shqipërisë para kompanive polake, lidhur me ofertën shqiptare për investime, tregti dhe turizëm, pjesa e biznesit dhe përfaqësuesve të tjerë do ti dedikohet prezantimeve dhe njohjeve konkrete me partnerë dhe homologë të sektorëve specifikë, për të ndarë eksperienca, praktika dhe diskutuar perspektivën e një bashkëpunimi  dhe partneriteti të ri mes atyre bizneseve që kanë interesa dhe kërkesa ndaj/ për tregun polak dhe shqiptar. Pritet që të pranishmit të përshëndeten nga Kryeministrat Shqiptare dhe Polake.

Forumi do të vijojë me takime B2B si dhe do të ketë një hapësirë promovuese me produkte shqiptare, kryesisht ato që janë me interes për tregun polak, si dhe një kënd me materiale informative për fushat e sipërcituara dhe promovimin e turizmit detar, malor, historik kulturor, kulinarisë shqiptare.

Për të gjithë të interesuarit për pjesëmarrje në këtë aktivitet, kontaktoni në adresën info@prodhuesit.org.

Instituti Kombëtar Italian i Asistencës për Qytetarët “INAC”, Federata Italiane e Bujqësisë, “CIA, Këshilli Agrobiznesit Shqiptar “KASH” që është njëkohësisht dhe anëtar i Bashkimit të Prodhuesve Shqiptar, në bashkëpunim me Universitetin Bujqësor Tiranë (UBT) dhe me disa shoqata simotra të KASH, sot më datë 23 nëntor 2017, në ambientet e Hotel Tirana International, po zhvillojnë Forumin e Parë të Përbashkët Ekonomik me temë “Asistenca për qytetarët, Bujqësia Sociale dhe Agrobiznesi”.

Shërbimi ndaj qytetarit, Bujqësia Sociale dhe Agrobiznesi, bashkëpunim e bashkërendim më të mirë të punës dhe veprimtarive të organizatave jofitimprurëse, të komunitetit të biznesit dhe agrobiznesit, të projekteve të ndihmës dhe organeve shtetërore midis Shqipërisë dhe Italisë është objekti i këtij takimi.

Qëllimi takimit:

• Koordinimi dhe përmirësimi i veprimtarisë sonë veçanërisht në ndihmë të asaj pjese të qytetarëve shqiptarë, të biznesit dhe agrobiznesit, që punojnë e banojnë në Itali dhe atyre italiane, që punojnë e banojnë në Shqipëri;
• Vendosja e një bashkëpunimi efiçent midis forumit tonë me platformën e portalit të ri për bashkëqeverisje në Shqipëri;
• Zhvillimi dhe mbështetja e inisiativës së promovuar në takimin e Brukselit të datës 11 korrik 2017, për “Zhvillimin e Bujqësisë Sociale dhe Agrobiznesit në disa vende të Mesdheut dhe Europës Juglindore” ose Projekti (EURO+MED).

Prodhimi vendas i perimeve të freskëta, u rrit me 9.6% gjatë vitit 2016, kundrejt një viti më parë, sipas raportit të  Institutit të Statistikave (INSTAT).

Sipas INSTAT, niveli më i lartë i prodhimit të perimeve është në qarqet Fier me 373.406 ton, Tiranë me 121.661 ton dhe Berat me 120.105 ton.

Prodhimi i drithërave, në vitin 2016, është 698.400 ton, duke shënuar një rritje me 0,4 %, në krahasim me një vit më parë. Niveli më i lartë i prodhimit të drithërave u arrit në qarkun e Fierit me 156.530 ton, e pasuar nga qarqet Elbasan me 98.535 ton dhe Korçës me 88.451 ton.

Ndërsa në grupin e perimeve peshën më të madhe e zënë perimet e njoma me 65,5 %, të pasuara nga bostanoret me 24,5 % dhe perimet e thata me 10,0 %.

Sipas INSTAT, numri i rrënjëve të pemëve frutore në prodhim në vitin 2016 është 10.575.000, duke pësuar një rritje me 3,8 %, në krahasim me vitin 2015.

Instituti i Statistikave bën të ditur se, numri i rrënjëve të ullinjve në prodhim në vitin 2016 është 6.643.000 dhe ka pësuar një rritje 4,9 %, në krahasim me vitin 2015. Numri i rrënjëve të agrumeve në prodhim në vitin 2016 është 1.044.000, duke shënuar një rritje 9,8 %, në krahasim me vitin 2015.

Ndërsa sipërfaqja e vreshtave në prodhim është 10, 011 ha, duke pësuar një rritje me 1,2 %, në krahasim me vitin 2015. Prodhimi i pemëve frutore në vitin 2016 është 261.754 ton dhe u karakterizua nga një rritje prej 7,6 %, krahasuar me 2015. Në vitin 2016 u prodhuan 99.075 ton ullinj duke pësuar një rritje 3,2 %, krahasuar me një vit më parë.

Prodhimi i agrumeve në vitin 2016 është 40.000 ton, duke shënuar një rritje prej 33,3 %, krahasuar me një vit më parë. Niveli më i lartë i prodhimit të agrumeve u arrit në qarkun e Vlorës me 23.379 ton, sipas INSTAT.

Lidhur me rubrikën e deklarimit të TVSH-së për subjektet që i nënshtrohen regjimit të përpunimit aktiv Administrata Tatimore sqaron se: 

Bazuar në Ligjin nr.92/2014, datë 24.07.2014 “Për Tatimin mbi Vlerën e Shtuar në Republikën e Shqipërisë” i ndryshuar, neni 57 “Eksportet”, pika “ç” dhe Udhëzimin Nr.6 datë 30.01.2015 “Për Tatimin mbi Vlerën e Shtuar në Republikën e Shqipërisë” i ndryshuar, neni 48 është përcaktuar krahas të tjerave se, konsiderohen furnizime me shkallë zero të TVSH-së transaksionet e eksportit që kanë të bëjnë me furnizimin e shërbimeve që konsistojnë në punime mbi mallra të luajtshme të importuara për t’u bërë atyre punime në Republikën e Shqipërisë dhe të dërguara apo të transportuara sërish jashtë Republikës së Shqipërisë nga furnizuesi i shërbimit apo nga destinuesi i shërbimeve, të cilët nuk janë vendosur në territorin e Republikës së Shqipërisë ose për llogari të tyre. 

Përpunuesi asnjëherë nuk duhet të bëhet pronar i materialeve të sjella nga porositësi sepse importet e kryera (materiale, lëndë e parë, mallra gjysëm të gatshme) janë importe të natyrës jo tregtare, të cilat rieksportohen në fomën e gjysmëproduktit ose produktit të gatshëm, të shoqëruara me faturë për punën e kryer e cila i bashkëngjitet deklaratës doganore të ri-eksportit të këtyre mallrave dhe kjo faturë deklarohet në librat e shitjes në rubrikën “furnizime me shkallë 0%”.

Për sa i përket përfitimit të statusit të eksportuesit me risk zero të shoqërive fason, këto të fundit duhet plotësojnë njëkohësisht kriteret e mëposhtme:

• Vlera e eksporteve të kryera në periudhën/at tatimore, për të cilën/at kërkohet rimbursim, është më shumë se 70% e vlerës së përgjithshme të shitjeve, përfshirë eksportet
• Kanë aktivitet eksportues mbi 1vit;
• Paraqesin si dokument prove të kryerjes së eksportit deklaratën doganore të eksportit, lëshuar sipas legjislacionit doganor në Republikën e Shqipërisë;
• Nuk kanë detyrime të papaguara të kontributeve të sigurimeve shoqërore dhe shëndetësore.