Njoftime

Agjencia Shqiptare e Zhvillimit te Investimeve (AIDA) në mbështetje të NVM-ve Shqiptare me qëllim rritjen e konkurrueshmërisë së tyre, forcimin e kapaciteteve prodhuese, dhe daljen e tyre në treg, për vitin 2017 menaxhon këto skema financiare nga buxheti i shtetit:

1. Fondi Shqiptar i Konkurrueshmërisë;
2. Fondin e Inovacionit;
3. Fondin e Ekonomisë Kreative (Artizanatit);
4. Fondin Start – up;
5. Fondin për SME-të në zonat turistike/historike.

Në këto programe me fonde shtetërore  mund të përfitojë çdo  NVM shqiptare, sipërmarres  apo start- up dhe ftohen veçanërisht ato biznese nga sektorët prodhues me potencial eksportues. Nëpërmjet fondeve grant të shtetit Shqiptar ju asistohet, në promovim produkti, misione biznesi, prototipe produktesh te reja, amballazhim dhe etiketim produkti, nevojat tuaja për çertifikim produkti, pjesëmarrjen tuaj në panaire ndërkombëtare etj.

Pasi të informoheni gjerësisht rreth programit te fondeve që administrohen nga AIDA dhe konsultimit të profileve të kërkuara, për më shumë, lutemi gjeni linkun nga ku mund të aksesoni për të gjitha aplikimet të publikuar në faqen e internetit :  http://aida.gov.al/faqe/fondet-e-aidas

Drejtoria e Përgjithshme e Tatimeve ka publikuar në platformën online e-albania, 9 shërbime të rëndësishme për gjenerimin e vërtetimeve në çdo kohë dhe pa asnjë kosto për bizneset, individët dhe institucionet publike.

Tatimpaguesët, individët dhe nënpunësit e Administratës Publike do të logohet në portalin e-Albania me kredencialet e tyre dhe mund të bëjnë kërkesë për të shkarkuar on line vërtetimet si më poshtë:

• Vërtetim për pagesën e detyrimeve
• Vërtetim xhiro për 3 vitet e fundit
• Vërtetim për përgjegjësitë tatimore
• Vërtetim statusi (aktiv, pasiv përfshirë datën)
• Vërtetim për regjistrim të investitorit
• Vërtetim për pagesën e kontributeve nga subjekti
• Vërtetim për posedim mjeti
• Vërtetim për individ të paregjistruar
• Vërtetim për pagesën e kontributeve për individin

Një pjesë të këtyre shërbimeve përgjigjja do merret në kohë reale dhe vërtetimi i ofruar në mënyrë elektronike do ketë firmë dhe vulë dixhitale.

Institucionet Publike të cilat do përfitojnë nga këto shërbime janë: ISSH, AKBN, AZHBR, Ministria e Brendshme, Zyra e Punës, OSHEE, DPSHTRR, Bashkia etj.

Mark Crawford, presidenti  i American Chamber është shprehur në intervistën e dhënë për televizionin Scan se sipërmarrësit amerikanë e kanë të vështirë të investojnë në Shqipëri, jo sepse mungon potenciali për të investuar por sepse historia e investimeve në vitet e kaluara në Shqipëri nuk ka qenë në nivelet që pritej.

Megjithatë Crawford thotë se kompanitë amerikane janë të interesuara të investojnë në turizëm megjithëse hasen vështirësi për shkak të mungesës së infrastrukturës. Edhe financa shihet si fushë potenciale investimi për shkak se duket goxha e konsoliduar kohët e fundit. Përsa i përket energjitikës, qoftë energjisë së rinovueshme apo shfrytëzimit të burimeve natyrore, Crawford u shpreh se Shqipëria ka goxha potencial por mungon besimi nga kompanitë amerikane për shkak të eksperiencave të kaluara.

Zejtarët dhe tregjet e bashkive, janë dy kategoritë e bizneseve të vogla që  nuk do të përfshihen në regjimin e TVSH.

“Ne sot patëm një diskutim shumë të gjatë me kryeministrin për detajet, dhe kryeministri ka vendosur që logjika e TVSH-së për zejtarët dhe tregjet e miratuara të Bashkive të jetë e përjashtuar, pra mos aplikohet. Pra për zejtarët me definicion, meqë nuk kanë inpute dhe për tregjet e bashkive të vazhdojë siç ka qenë, pjesa tjetër pastaj shtrihet 20 për qindëshi”, deklaroi ministri i Ekonomisë dhe Financave, Arben Ahmetaj gjatë konsultimit publik me qytetarët e Lezhës.

Më tej kryeministri Rama sqaroi se si do procedohet me tregjet e bashkive, si do bëhen kontrollet dhe a do ketë çdo tregtar kasë fiskale.

“Me një ndryshim midis të dyjave që në rastin, po themi të berberit është taksa zero dhe nuk ka si aplikohet, apo edhe te të gjitha rastet e tjera të zejtar1ëve, te tregjet do ndërtojmë bashkëpunim me bashkitë dhe në bashkëpunim, kur në raste se tregjet janë jopublike, pra kur menaxhohet nga private, edhe me ata do ndërtojmë një skemë që tregu si i tërë të jetë i kontrolluar, të fiskalizohet. Pra jo çdo kush që tregton në treg të ketë kasë fiskale, por tregu si i tërë të jetë i fiskalizuar. Këtu bëhet fjalë vetëm për tregjet bashkiake që funksionojnë sipas kushteve të vendosura”.

Ministria e Financave dhe Ekonomisë ka publikuar urdhërin përkatës për institucionet e varësisë në të cilin u kërkohet që të mos u kërkojnë qytetarëve dokumente për ofrimin e shërbimit publik.

Urdhëri i Ministrit Ahmetaj për “Lehtësimin e Kërkesave Dokumentare të Shërbimeve të Ofruara ndaj Biznesit dhe Qytetarëve nga Ministria e Financave dhe Ekonomisë dhe Institucionet në Varësi të saj”, përmban të detajuar listën e dokumenteve që institucionet në varësi të Ministrisë së Financave dhe Ekonomisë, nuk do t’i kërkojnë më nga qytetarët dhe sipërmarrja, por do t’i sigurojnë përmes platformës elektronike e-Albania ose nëpërmjet komunikimit dhe ndërveprimit ndërinsitucional.

[slider style=”flat” category=”Urdhri Ministria e Financave” orderby=”date” order=”ASC”]

Drejtoria e Përgjithshme e Tatimeve ka publikuar në rubrikën “Tatimet Këshillojnë” një manual të posaçëm për detyrimet dhe afatet në pagesat e sigurimeve shoqërore dhe shëndetësore që të gjithë kategoritë e punonjësve kanë. Tatimet kujtojnë bizneset që të mos humbasin korrektesën në pagesën e këtyre detyrimeve. Në manual përshkruhen të dhënat që punëmarrësit duhet të deklarojnë në sistemin e tatimeve mbi punonjësit, afatet e deklarimit dhe pagesës së kontributeve si dhe penalitetetet në rast shkeljeje të afateve.

Punëdhënësit dhe të vetëpunësuarit, janë të detyruar:

• të deklarojnë në sistemin e tatimeve listëpagesën, ku përfshihen të dhënat për çdo individ dhe në total si më poshtë:

– Emri e mbiemri,
– Numri personal,
– Kategoria e pozicionit të punës,
– Paga,
– Shuma për t’u paguar e kontributeve të detyrueshme të sigurimeve shoqërore, të sigurimeve shëndetsore,
– Tatimin mbi të ardhurat nga punësimi.

• të deklarojnë në sistemin e tatimeve ndryshimet dhe lëvizjen e punonjësve, shtesat e pakësimet, sipas proçedurave dhe afateve të përcaktuara me ligj.

Afatet e deklarimit dhe të pagesës së kontributeve

Deklarimi dhe pagesa bëhet sipas afateve:

• Tatimpaguesit personat juridikë dhe fizikë, të regjistruar si tatimpagues, në përgjegjësinë tatimore të tatimit të thjeshtuar mbi fitimin për biznesin e vogël, brenda datës 20 të muajit te parë pas përfundimit të çdo tremujori të vitit kalendarik.

• Tatimpaguesit persona juridikë dhe fizikë të tjerë (tatimpaguesit e regjistruar për Tatimin mbi Fitimin, Entet Publike, OJF-të, etj.) brenda datës 20 të muajit pasardhës.

Pagesa e detyrimeve të kontributeve të detyrimeve të kontributeve shoqërore dhe shëndetsore bëhet në bankat e nivelit të dytë nëpërmjet urdhërpagesës të gjeneruar nga sistemi elektronik, pas dorëzimit të deklaratës.

Deklarimi i të punësuarëve në sitemin elektronik tatimor

• Brenda dy ditëve pune, pas regjistrimit në Qendrën Kombëtare të Biznesit ose në Administratën Tatimore, personat juridikë ose fizikë, duhet të deklarojnë në sistemin tatimor listën e të punësuarve, pagën përkatëse, përfshirë personin fizik apo/edhe punonjësit e papaguar të familjes mbi 16 vjeç, me të cilët ai punon e bashkëjeton ligjërisht.

• Personat fizikë të vetëpunësuar pa punëmarrës dhe pa punonjës të papaguar të familjes kanë të drejtë që deklarimin në sistemin tatimor ta kryejnë të paktën 3 ditë përpara afatit fundor të paraqitjes së deklaratës (listëpagesës).

• Llogaritja e detyrimit të kontributeve të sigurimeve shoqërore dhe shëndetësore bëhet me efekte që prej datës së regjistrimit në Qendrën Kombëtare të Biznesit ose në Administratën Tatimore.

Deklarimi i ndryshimit të numrit të punonjësve

• Tatimpaguesi është i detyruar të deklarojë në sistemin elektronik të tatimeve, çdo punonjës që fillon punë për herë të parë, apo të punësuar rishtazi pranë tij, të paktën një ditë kalendarike përpara fillimit të punës.

• Tatimpaguesi është i detyruar të deklarojë në sistemin elektronik, të tatimeve, të larguarit nga puna, brenda 10 ditëve kalendarike nga data e largimit.

Llogaritja e kontributeve për punëmarrësin:

• Kontributet e detyrueshme të sigurimeve shoqërore për punëmarrësin llogariten mbi pagën bruto dhe shtesat e tjera, brenda një page bruto minimale dhe nivelit maksimal.

• Kontributet e detyrueshme të sigurimit shëndetësor për punëmarrësin llogariten sipas nivelit të përcaktuar mbi pagën bruto të tij dhe shtesat e tjera, e cila nuk mund të jetë më e vogël se paga minimale.

Llogaritja e kontributeve për personin e vetëpunësuar dhe punonjësin e papaguar të familjes

• Kontributet e detyrueshme të sigurimeve shoqërore për personin e vetëpunësuar, përfshirë punëdhënësin e vetëpunësuar dhe punonjësin e papaguar të familjes, llogariten si përqindje mbi pagën minimale të miratuar për efekt të llogaritjes së kontributeve të sigurimeve shoqërore dhe shëndetësore.

• Kontributet e detyrueshme të sigurimit shëndetësor për personin e vetëpunësuar, përfshirë punëdhënësin e vetëpunësuar dhe punonjësin e papaguar të familjes, llogariten sipas nivelit të parashikuar si përqindje mbi dyfishin e pagës minimale.

Niveli i pagës minimale bruto

Niveli i pagës minimale bruto mbi të cilat paguhen kontributet përcaktohet me Vendim të Këshillit të Ministrave.

Penaliteti për mosdeklarim dhe mos pagesë në afat

• Tatimpaguesi, i cili nuk dorëzon në afatin e përcaktuar sipas ligjit deklaratën, dënohet me gjobë për çdo deklaratë tatimore të padorëzuar. • Tatimpaguesi, i cili nuk arrin që brenda afatit të parashikuar në këtë ligj, të paguajë shumën e kontributieve të sigurimeve shoqërore e shëndetsore, detyrohet të paguajë gjobën dhe kamatëvonesën që llogariten mbi shumën e detyrimit të papaguar për çdo ditë.

Banka Europiane e Investimeve ka publikuar së fundmi një raport të titulluar “Era e ndryshimit, investimet në Europën Qendrore, Lindore dhe Juglindore”. Në këtë raport analizohen 17 vende të Europës, mes të cilave edhe Shqipëria.

Raporti ka për synim të analizojë gjendjen e investimeve, para dhe pas krizës financiare globale të vitit 2008. Një ndër treguesit më të saktë që shpjegon situatën e investimeve, është ai që tregon sesa përqind e vlerës së re të shtuar në ekonomi, shkon për investime, dhe jo për konsum. Shqipëria rezulton të ketë normën më të lartë në rajon për këtë tregues, në 10%.

Pra sipas këtij raporti, 10% e asaj që ka shtuar ekonomia shqiptare çdo vit që prej vitit 2008, ka shkuar për investime të tjera. Ky tregues është renditur ndër më pozitivët krahasuar me vendet e tjera të marra në analize, por problem i madh mbetet diferenca me periudhën përpara krizës financiare të 2008. Sipas raportit kjo diferencë shkon në 8% më pak, dhe kjo është norma më e lartë mes vendeve të marra në analizë.

Sa i përket investimeve në tërësi në raport me PBB, niveli referencë është ai i 25% në periudha afat-gjatë, dhe Banka Europiane e Investimeve saktëson se, vetëm Shqipëria e ka tejkaluar këtë normë.

Në raport thuhet gjithashtu se, Shqipëria është lider në Ballkanin perëndimor për densitetin e rrugëve interurbane. Për secilën prej vendeve të marra në analizë, Banka Europiane e Investimeve nënvizon edhe fushën ku këto vende duhet të fokusojnë investimet e tyre, për shkak të potencialit që ofrojnë. Për Shqipërinë theksi vihet te energjia e rinovueshme.

Më pas, këshillohen investime më të shtuara në porte dhe hekurudha e në fund, po jo më pak e rëndësishme, këshillohen investimet në fushën e edukimit, që janë thelbësore në rritjen ekonomike dhe konkurrueshmërinë e një vendi. Në këtë drejtim, duhet të rritet vëmendja e autoriteteve, thotë raporti.

Eksportet drejt SHBA përfaqësojnë 0.65% eksporteve të vendit. Produktet më të eksportuara në SHBA janë Bimët Aromatike e Mjekësore përfshirë erëzat e vajrat esenciale, të cilat përfaqësojnë  67.5%  të eksportit, mineralet dhe produkte te tjera me peshë më të vogël, përfshirë veshjet, dhe produktet ushqimore.

Eksportuesit e interesuar, mund të përfitojnë nga Sistemi i Përgjithshëm i Preferencave (General System of Preferences: GSP) të Shteteve të Bashkuara të Amerikës, i cili u jep atyre mundësinë e eksportit të një numri të madh produktesh shqiptare në tregun Amerikan pa tarifat doganore (referoju ‘Marrëveshje të Tregtisë).

Për të mësuar nëse një produkt shqiptar eksporti përfiton nga sistemi GSP, mund të ndiqni këta hapa

1. Shkoni tek këtu.
2. Aty kërkoni produktin tuaj të interesit.

Kërkesat e eksportit në SHBA

Shumë artikuj shqiptarë kanë të drejtë për trajtim preferencial në përputhje me skemën e Sistemit të Përgjithshëm të Preferencave (GSP) pa tarifë doganore. Kjo skemë përfshin një listë mallrash të përpunuara, produkte të freskta, bizhuteri, shumicën e llojeve të qilimave, disa produkte bujqësore dhe produkte të tjera të peshkut, si dhe në shumë lloje të kimikateve, mermerit, dhe mineraleve. Më shumë informacion rreth produkteve që përfitojnë trajtim GSP mund të gjeni në linkun këtu: