Lajme

Më datë 6 shtator 2017, pranë zyrave të Bashkimit të Prodhuesve Shqiptarë, u zhvillua mbledhja e Komitetit të Politikave të kësaj shoqatë. Kryetarët dhe anëtarët e këtyre komiteteve diskutuan në lidhje me disa çështje konkrete të cilat mbështesin prodhimin shqiptar, eksportin, rritjen e konkurrueshmërisë, nxitjen e punësimit, etj. Temat e diskutuara kishin të bënin me përmirësimin e klimës së biznesit dukë përmirësuar dialogun publik/privat, rritja e konurrueshmërisë së bizneseve si dhe ulja e informalitetit në treg, etj.

Procedurat e ndryshme doganore vijojnë të pengojnë tregtinë Shqipëri-Kosovë, ndërsa prodhuesit vendas kërkojnë të mendohet seriozisht për njehsimin e procedurave edhe rritjen e konkurueshmërisë në vend.

Një zonë ekonomike e përbashkët në rajon, parashikuar në marrëveshjen e Triestes, shihet me shqetësim nga prodhuesit shqiptarë. Arben Shkodra, Sekretar i Përgjithshëm i Bashkimit të Prodhuesve Shqiptarë, tregon se industritë në rajon mbështeten prej vitesh nga qeveritë e tyre, duke u bërë shumë më konkures në treg. Ndaj i kërkohet qeverisë shqiptare që të përcaktojë e mbështesë sektorët me të cilët vendi mund të jetë konkurues.

Sot më datë 13 qershor 2017, Forumi i Dhomave të Tregtisë dhe Shoqatave të Sipermarrjes, ku pjesë e këtij forumi është edhe Bashkimi i Prodhuesve Shqiptarë, organizuan një konferencë për shtyp për të prezantuar platformën ekonomike të sipërmarrjes.

Forumi i  Dhomave të Tregtisë dhe Shoqatave të Sipërmarrjes, pas konsultimit të vazhdueshem me të gjithë organizatat e biznesit, prej disa muajsh kanë ndjekur me vëmendje zhvillimet politike në vend, si dhe platformat ekonomike të të gjithë spektrit politik në fushatën elektorale.

Në respektim të plotë të rolit që ka sipërmarrja private në zhvillimin e ekonomisë shqiptare dhe të detyrimit për ta përfaqësuar denjësisht atë në marrëdhënie me politikën dhe qeverinë, ekspertët e këtij forumi kanë përgatitur një platformë për t’ja paraqitur forcave politike me qëllim që të merret në konsiderate dhe të përfshihet në programin e tyre elektoral për pjesën ekonomike.

Platforma e propozuar nga Forumi i  Dhomave të Tregtisë dhe Shoqatave të Sipërmarrjes ka si synim zhvillimin ekonomik të qendrueshëm i cili mbështetet në identifikimin dhe analizën e kapaciteteve, potencialeve dhe burimet që ofron vendi ynë.

Propozimi i këtij forumi është si më poshtë:

1. Hartimi i një modeli të zhvillimit ekonomik të vendit për një periudhe 10-15 vjeçare, në konsultim të ngushtë me sipermarrjen, bazuar në kapacitetet, potencialet dhe burimet që ofron vendi ynë dhe duke e garantuar atë me miratim në konsensus të gjerë politik të formalizuar në Kuvendin e Shqipërisë.
2. Rritja e konkurueshmërisë së ekonomisë shqiptare duke patur në vëmendje sektorët me prioritarë për të cilët duhen pregatitur menjëherë një serë paketash lehtësuese me karakter ligjor, procedural, tatimor dhe tarifor:

• Përmirësimi i kuadrit ligjor dhe garantimi i sigurisë ligjore;
• Përmirësimi i kuadrit rregullator procedural;
• Përmirësimin e klimës së investimeve dhe të bërit biznes;
• Hartimin e politikave fiskale dhe përmirësimit të sistemit tatimor dhe atij doganor;

1. krijimit te nje sistemi taksimi ne nje kuote të pranueshme të dakordësuar me sipërmarrjen;
2. uljes së moderuar e nivelit të TVSH dhe përshkallezimin në zbritje për disa sektore specifik;
3. futjes në të gjithë nivelet e sipërmarrjes së skemës së TVSH;
4. heqjes përfundimisht e fashave të llogaritjes së taksimit për sipermarrjen pa referencë xhiron vjetore;
5. heqjes së disa taksave dhe tatimeve të panevojshme të mbetura në sistem pa asnjë vlerë për buxhetin e shtetit por duke krijuar vështirësi për sipërmarrjen;
6. rikategorizimit të llojeve të sipërmarrjes (sipas ligjit për tregtarët dhe shoqëritë tregtare), duke shtuar kategori të reja dhe bërë lehtësime fiskale sipas kategorive;
7. përmirësimit të sistemit të rimbursimit të TVSH dhe Akcizës.

• Përmiresimit të politikave tregtare duke mbajtur në fokus politikat mbështetëse mbi prodhimin vendas dhe nxitjen e eksporteve nëpërmjet:

1. Rishikimit të taksave vendore për industrinë prodhuese;
2. Përmirësimin e infrastrukturës publike për një akses më të shpejtë dhe cilësor në territor;
3. Përmirësimin e cilësisë së shërbimeve publike dhe produkteve utilitare në shërbim të aktivitetit të sipërmarrjes si psh: energjia elektrike, ujësjellës dhe kanalizimi, etj;
4. Heqja e TVSH për energjinë elektrike për sipërmarrjen prodhuese;
5. Ulje e çmimit të lëndëve djegëse për sipërmarrjen prodhuese;
6. Përmirësimi i procesit të inspektimit dhe shtrirja e inspektimit online si një skemë që mbështet prodhuesit e formalizuar dhe lufton informalitetin;
7. Mbështetje për rritjen e standartit dhe cilësisë së produkteve shqiptare;
8. Lehtësimi i procedurave doganore dhe kufitare;
9. Rritja e fondeve mbështetëse për promovimin e “Made in Albania” si produkte me origjine të mbrojtur dhe të kontrolluar.

3. Rritja e punësimit duke u bazuar në identifikimin e potencialeve dhe burimeve që ofron territori dhe duke u mbështetur në cilësinë dhe standartin e sistemit edukativ. Rritja e punësimit duhet të jetë jo vetëm numerike por e zgjuar dhe e qëndrueshme pasi duhet t’i përshtatet modelit të zhvillimit ekonomik 10-15 vjeçar.
4. Përmirësimi i Dialogut Publik Privat si një nga elementet kryesor të bashkëpunimit me sipërmarrjen private dhe garantimin e efikasitetit të politikave publike që prekin drejtpërdrejt ekonominë. Ky dialog duhe të garantohet nëpërmjet riaktivizimit të plote të legjislacionit aktual për konsultimin publik ( ligji i vitit 2014 që deri më tani të aplikuar vetëm në mënyre sporadike) dhe ndergjegjësimin të hartuesve të plotikave publike, që dialogu me sipërmarrjen paraprakisht dhe përgjatë miratimit të strategjive, prioriteteve, akteve ligjore dhe nënligjore, do të krijonte një ambjent të përshtatshëm dhe lehtësues për një zhhvillim ekonomik të qendrueshëm dhe në harmoni me rritjen e performancës së sipërmarrjes.

5. Agrobiznesi dhe Zhvillimi Rural

• Konsolodimi rrjetit ekzistues të Shoqërive të Bashkëpunimit Bujqësor, duke formalizuar dhe përsosur më tej strukturën e tyre organizative, në nivel lokal dhe kombëtar.
• Rritja e ndergjegjësimit të aktorëve ekonomikë, kombëtar mbi potencialin e sipermarrjeve dhe fermerëve shqiptarë të angazhuar në zhvillimin e agrobiznesit dhe zonave rurale në tërësi.
• Rinovimi i Parkut të Mekanikës Bujqësore dhe shtimi linjave të përpunimit të lëndëve të para në vend.
• Evidentimi dhe analizimi sa më i plotë, transparent dhe të saktë të tokave djerrë ose të pakultivuara me mekanikë bujqësore, si dhe të potencialeve apo aseteve të tjera në zonat rurale, që janë në pronësi apo përdorim të sektorit privat dhe atij publik.
• Mbështetja e metodave inovative dhe programeve prodhuese intensive për të siguruar një mekanikë performante, duke synuar në veçanti reduktimin e kostove energjetike, nepërmjet zëvendësimit të karburantit të importuar me karburant të prodhuar dhe përpunuar në vend.
• Ulja e kostove për fermerët në aksesin në financë, si dhe mbeshtetja e tyre në garantimin dhe marrjen e financimeve më të mëdha dhe të përshtatura ndaj nevojave të tregut.

6. Turizmi dhe Agroturizimi

Nxisim partitë politike për të hartuar një paketë masash specifike për investime në përmirësimin e infrastrukturës në zonat turistike.

[slider style=”flat” category=”Platforma Ekonomike e Sipërmarrjes” orderby=”date” order=”ASC”]

Më 6 qershor 2017, pranë zyrave të Bashkimit të Prodhuesve Shqiptarë, u zhvillua takimi i Komitetit për Legjislacionin, Taksat dhe Procedurat, Komitetit për Standartet dhe Cilësinë  dhe Komitetit për Tregun dhe Konkurrueshmërinë.

Ndër qëllimet e zhvillimit të kësaj mbledhjeje ishin trajtimi i çështjeve të mëposhtme:

• Taksa amballazhit të lëndës së parë si dhe taksa e amballazhit të plastikës dhe qelqit, c’ka rrit ndjeshëm kostot e prodhimit;
• Kuadri ligjor në etiketimin e produkteve ushqimore, trajtimi i tij;
• Liberalizimi i tregut të energjisë;
• Etj..

[slider style=”flat” category=”Komiteti i Politikave” orderby=”date” order=”ASC”]

Arben Shkodra, Sekretar i Përgjithshëm i Bashkimit të Prodhuesve Shqiptarë, është shprehur se niveli aktual i taksave nuk solli asnjë risi në përmirësimin e performancës së sistemit fiskal, nuk e uli evazionin dhe nuk ishte ndihmues për sipërmarrjen. Ulje-ngritjet e paketave fiskale në vite pa pasur një qëndrueshmëri për disa vite me radhë kanë sjelle një çoroditje të planeve të investimeve.

Cilat janë pritshmëritë tuaja nga programet ekonomike të Partive kryesore?

Përtej deklaratave retorike, shpesh pa një argumentim të detajuar, Partitë politike duhet të fillojnë menjëherë takimet me organizatat që përfaqësojnë sipërmarrjen, me qëllim diskutimin e çështjeve të lidhura me ekonominë. Ne presim të kemi dokumente të shkruara mbi të cilat të fillojë debati konstruktiv dhe që të merren në konsideratë rekomandimet tona për çështje që kanë të bëjnë me tregun, konkurrueshmërinë, prodhimin, politikat tregtare, taksat dhe tarifat, reformat në ekonomi, etj.

Çfarë duhet të kenë parasysh partitë kur hartojnë programet e tyre?

Së pari, duhet të kuptojnë që programet ekonomike nuk hartohen nga zyrat e mbyllura dhe as duket marrë opinionin e individëve të vetëm, por në bashkëpunim me organizatat e sipërmarrjes.

Së dyti, duhet të marrin në konsideratë tregun rajonal, situatën gjeopolitike në rajon, për të kombinuar një paketë sa më konkurruese për prodhimin vendas.

Së treti duhet të mendojnë që së shpejti do të fillojnë negociatat me BE dhe kjo do të jetë një sfidë tepër e rëndësishme për një mandat qeverisës dhe bashkëpunimi me sipërmarrjen është i domosdoshëm. Nuk duhet të gabojmë sërish në negociata, ashtu siç kemi vepruar me marrëveshjet e tjera tashmë të negociuara.

Lidhur me nivelin e taksave, si e vlerësoni nivelin aktual të tyre, si ka ndikuar rritja e tatimfitimit dhe dividendit në mandatin e kaluar në ecurinë e bizneseve që ju përfaqësoni dhe planeve të tyre për investime?

Niveli aktual i taksave nuk solli asnjë risi në përmirësimin e performancës së sistemit fiskal, nuk e uli evazionin dhe nuk ishte ndihmues për sipërmarrjen. Ulje-ngritjet e paketave fiskale në vite, pa pasur një qëndrueshmëri për disa vite me radhë, kanë sjelle një çoroditje të planeve të investimeve. Këto luhatje të vazhdueshme kanë sjellë në korrigjime të vazhdueshme të planit të biznesit, duke çuar në krijimin e një klime të paqartë për investime të reja.

Cili është niveli i taksave që ju propozoni dhe që do të ishte optimal për të mos ndikuar negativisht në buxhet nga njëra anë dhe për të mos rënduar bizneset nga ana tjetër?

Parimisht, jemi për taksimin e sheshtë, përshkallëzimin e nivelit të TVSH dhe rishikimin e tarifave mbi procedurat e ndryshme. Por një gjë shumë e rëndësishme është edhe ndryshimi rrënjësor i sistemit fiskal, i cili duhet të garantojë edhe uljen e evazionit fiskal.

Arben Shkodra

Partitë duhet të kuptojnë që programet ekonomike nuk hartohen nga zyrat e mbyllura dhe as duke marrë opinionin e individëve të vetëm, por në bashkëpunim me organizatat e sipërmarrjes

Më 31 maj 2017, Bashkimi i Prodhuesve Shqiptarë, Dhoma e Tregtisë dhe Industrisë Tiranë, Drejtoria e Përgjithshme e Doganave dhe Këshilli Investimeve organizuan një takim konsultimi me biznesin mbi risitë e Kodit të ri Doganor. Takimi erdhi si një kërkesë e organizatave të mësipërme të biznesit parashtruar në takimin e 10^-të të Këshillit të Investimeve. Kodi i ri Doganor është miratuar në korrik 2014 dhe hyn plotësisht në fuqi në 1 qershor 2017.

Kodi i ri është hartuar në përputhje me direktivat e BE-së dhe ofron një sërë procedurash më të thjeshtuara për bizneset eksportuese dhe importuese. Dispozita zbatuese të Kodit të ri janë përgatitur tashmë nga Drejtoria e Përgjithshme e Doganave pranë Ministrisë së Financave dhe pritet të hyjnë në fuqi së bashku me Kodin Doganor.

Lidhur me këtë, përfaqësues të DPD-së prezantuan në takim disa nga aspektet më të rëndësishme të Kodit me impakt në marrëdhëniet e biznesit me administratën doganore si, deklarimet në doganë, mundësitë për aplikim për procedura të thjeshtuara, regjimet doganore, etj.

Nga ana tjetër, përfaqësues të biznesit kanë paraqitur pranë Ministrisë së Financave dhe paraqiten edhe në këtë takim disa nga shqetësimet mbi procedurat doganore, të ngritura edhe në Këshillin e Investimeve, të cilat adresojnë çështje si; skanimi i konteniereve, përdorimi i çmimeve të referencës për përcaktimin e detyrimeve në dogana, klasifikimi tarifor i mallrave, aplikimi kontrolleve fizike, etj.

Në përfundim të takimit, në frymën e mirëkuptimit të domosdoshëm midis komunitetit të biznesit dhe DPD, palët theksuan nevojën për konsultime dhe ballafaqime periodike në tryeza, që do të trajtojnë çështje specifike dhe të rëndësishme për lehtësimin e mëtejshëm të procedurave doganore dhe forcimin e bashkëpunimit midis palëve për një tregti të sigurt, të hapur dhe të drejtë.

[slider style=”flat” category=”Konsultim me biznesin mbi risitë e Kodit të ri Doganor” orderby=”date” order=”ASC”]

Më 16 maj 2017, pranë zyrave të Bashkimit të Prodhuesve Shqiptarë, u zhvillua takimi i Komitetit për Legjislacionin, Taksat dhe Procedurat i kryesuar nga z. Luan Leka dhe z. Bardhyl Baltëza. Ndër qëllimet e zhvillimit të kësaj mbledhjeje ishin:

• Për të vlerësuar nëse çështjet e procedurave doganore të ngritura nga anëtarët e Bashkimit të Prodhuesve Shqiptarë kanë gjetur në një masë të caktuar reflektim në “Dispozitat e reja zbatuese të Kodit të ri Doganor”;
• Në varësi të gjykimeve të Komitetit dhe bazuar në ekspertizë të fushës, të zhvillohet më tej trajtimi i çështjeve, me qëllim prezantimin e tyre pranë Ministrisë së Financave dhe Drejtorisë së Përgjithshme të Doganave, si kërkesa reale për konsiderim të çështjeve të ngritura nga anëtarët tanë.

Ditët në vijim do të përpunohet edhe materiali që do t’u dërgohet organeve të përmendura më sipër me çështjet e propozuara nga ky Komitet.

[slider style=”flat” category=”Mbledhja e Komitetit per Legjislacionin-AMU” orderby=”date” order=”ASC”]

Më 9 maj 2017, u zhvillua mbledhja e dhjetë e Këshillit të Investimeve, anëtar aktiv i të cilit është edhe Bashkimi i Prodhuesve Shqiptarë, përfaqësuar nga z. Arben Shkodra.

Tema e Mbledhjes së X-të ishte “Lehtësimi i mëtejshëm i procedurave doganore”, një temë e votuar në mbledhjen e fundit të 2016 nga anëtarët e KI.  Në hapje të takimit Ministrja Ekonomi mbajti një fjalë ku theksoi se tema në fjalë është shumë e rëndësishme pasi vjen si një kërkesë e vazhdueshme nga biznesi për lehtësimin  e procedurave doganore, dhe  rritjen e konkurueshmerise dhe stimulimin e eksporteve. E sigurisht edhe si detyrim për të përmirësuar klimën e biznesit dhe renditjen e Shqipërisë në Doing Business. Ministrja permendi  përmirësimet e ndjeshme të kryera në Kodin e ri Doganor dhe kerkoi qe kodi i ri doganor dhe mundesite qe ai ofron te kthehen ne nje instrument i cili te ndihmoje konkurueshmerine. Ministrja vlerësoi punën e Drejtorisë së Doganave dhe i kerkoi organzimin e nje aktiviteti ne bashkepunim me shoqatat e biznesit dhe Sekretariatin për të shpjeguar gjithë bizneseve eksportuese  ndryshimet që po pëson Kodi Doganor dhe mundesite e reja qe ai ofron.

“Ne e dimë se në fillim të vitit 2015, në doganën e portit të Durrësit, u vendos kanali jeshil. Jo vetëm në Këshillin e Investimeve, por edhe në Komitetin e Lehtësimit të Tregtisë dhe në Komisionin për Vlerësimin e Masave për Importet ne kemi diskutuar disa herë për kanalin jeshil dhe për lehtësirat që ky kanal ose kjo mënyrë komunikimi i jep biznesit duke shkurtuar kohën e procedurave dhe barrierave administrative që ato kanë në momentin që ato bëjnë shkëmbime mallrash. Koha e matur lëviz nga 3 orë që ishte përpara vendosjes së kanalit jeshil në 10 minuta sot. Kjo do të thotë se për biznesin është më shumë kohë, më pak shpenzim, natyrisht dhe arritje më e shpejtë e tregut destinacion” tha Ministrja në fjalën e saj.

Anëtarët e këshillit dëgjuan me vëmendje gjetjet e raportit të përgatitur nga Sekretariati i KI, lidhur me problematikat në procedurat aktuale doganore dhe disa rekomandime si mund të lehtësohen dhe përmirësohen. Analiza u bazua në ankesat e bizneseve të depozituara në Sekretariat gjate periudhës 2015 – 2016 (rreth 30 ankesa). Më tej një pyetësor i hapur u hodh online  dhe u plotësua nga 23 kompani. U zhvilluan rreth 25 takime janë zhvilluar me biznese, importuese dhe eksportuese dhe në rrethe, kompani konsulence, administratën doganore, Ministrinë e Financave dhe Ministrinë e Ekonomisë. Ndërsa më 20 Prill u zhvillua një takim konsultimi me ekspertë të fushës nga administrata doganore, tatimore dhe biznese për të diskutuar paraprakisht rekomandimet më të mundshme dhe të rëndësishme për t’u prezantuar në KI. Pas këtij anketimi u arrit në disa gjetje dhe rekomandime që mund të grupohen në: a) rekomandime të cilat kërkojnë plotësimin e kuadrit ligjor sekondar; b) rekomandime të cilat nuk kanë nevojë për plotësime ligjore dhe nënligjore, por që kërkojnë zbatimin me rigorozitet të dispozitave doganore në fuqi nga administrata doganore; dhe c) rekomandime për realizimin e te cilave kërkohen investime dhe ndryshime operacionale/teknike.

Konkretisht, rekomandimet  kryesore konsistojnë në: Përgatitja në kohë e legjislacionit sekondar doganor referuar hyrjes në fuqi të Kodit të Ri Doganor në 1 Qershor 2017 dhe konsultimi me biznesin, si një praktikë e mirë për nxitjen e partneritetit; Dokumentimi i qartë dhe gjurmimi në sistemin e brendshëm të DPD të mënyrave të llogaritjes së vlerës doganore nëpërmjet rishikimit të akteve/udhëzimeve të brendshme, përditësimi i listës së çmimeve të referencës; Nevoja për ndërgjegjësim për biznesin për të kërkuar nga administrata doganore informacion klasifikim tarifor të detyrueshëm dhe kthim nga degët doganore përgjigje bizneseve për rezultatet e laboratorit të doganës mbi klasifikimin tarifor. Institucionalizimi i bashkëpunimit dhe konsultimit me biznesin: Të rritet komunikimi online i informacionit dhe marrjes së autorizimeve të ndryshme të biznesit si në dogana dhe në institucione të tjera të lidhura, tatime, AKU, etj. Finalizimi i projektit “single window” në dogana do të lehtësojë koordinimin ndërinstitucional.

[slider style=”flat” category=”Keshilli i investimeve” orderby=”date” order=”DESC”]

U zhvillua më 8 maj 2017 në mjediset e Ministrisë së Zhvillimit Ekonomik, Turizmit, Tregtisë dhe Sipërmarrjes, mbledhja e radhës e Komitetit për Kordinimin e Politikës Tregtare dhe të Lehtësimit të Tregtisë, një grup ndërinstitucional që drejtohet nga Ministrja e Ekonomisë, znj Milva Ekonomi. Pjesë e këtij Komiteti është edhe Bashkimi i Prodhuesve Shqiptarë.

Kjo është mbledhja e tretë e këtij komiteti, një nga qëllimet e të cilit është të adresojë dhe zgjidhë problematikat që bizneset hasin për çështjet e tregtisë edhe sidomos të eksportit të produkteve të tyre jashtë Shqipërisë.

Temat kryesore të diskutuara në këtë takim të radhës ishin:

–          Prezantimi i website të Komitetit të Lehtësimit të Tregtisë;

–          Prezantimi i studimit për barrierat teknike në tregti për produkte bujqësore të destinuara në export;

–          Kapacitetet administrative të Sekretariatit Teknik;

–          Masat/hapat për lehtësimin e eksporteve të qumështit;

–          Diskutimi i situatës së eksportit të açugeve në tregun e BE

Ministrja Ekonomi kërkoi që diskutimi i temave në Komitet të bëhet sipas një plani 1 vjeçar të menduar lidhur me problematikat kryesore të eksporteve. Të pranishmit dhanë mendime për faqen e re të internetit të Komitetit të Lehtësimit të Tregtisë, e cila pritet të jetë së shpejti online. Ministrja Ekonomi kërkoi që përveç informacioneve për eksport në vende të BE dhe CEFTA që janë më të qarta, të përfshihet sa më shumë informacion për eksport në vende të tjera si SHBA apo Turqi etj, në mënyrë që prodhuesit të gjejnë lehtësisht se çfarë procedurash duhet të zbatojnë që të eksportojnë produktin e tyre drejt një vendi të caktuar.

Sot më datë 21 prill 2017, u organizua në qytetin e Pejës në Kosovë “Forumi Ekonomik i Prodhuesve Shqiptarë dhe AlbExpo 2017”, ku morën pjesë sipërmarrës prodhues nga Shqipëria, Kosova dhe Maqedonia Veri-Perendimore si dhe personalitete të larta të tre vendeve respektive. Ky Forum u organizua nga Klubi i Prodhuesve të Kosovës, Bashkimi i Prodhuesve Shqiptarë, Oda Ekonomike e Maqedonisë Veri-Perendimore si dhe Rrjeti i Bizneseve të Diasporës Shqiptare.

Qëllimi i mbajtjes së këtij forumi ishte promovimi i lëvizjes së lirë të mallrave, shërbimeve dhe kapitalit, pjesëmarrja në projekte të përbashkëta Cross-Border, monitorimi i tregtisë mes tre vendeve si dhe promovimi i produkteve shqiptare.

Një nga kërkesat kryesore të prodhuesve shqiptarë që morën pjesë në këtë forum ishte lehtësimi i procedurave doganore për lëvizjen e lire të mallrave. Z. Astrit Shabani, Drejtor Ekzekutiv i Klubit të Prodhuesve të Kosovës u shpreh se tregtia e lirë po na kushton shumë shtrenjtë. Ai tha se për shkak të konkurrencës nga vende të tjera të rajonit, produktet shqiptare nuk po kanë mundësi të depërtojnë dhe për këtë shkak kërkohet rishikimi i tarifave doganore dhe i CEFTA-s.

“Eksiztojnë mjaft probleme të tjera si standartet, procedurat dhe praktikat, por problemi ynë kryesor mbeten barrierat doganore që ekzistojnë. Ne kemi qarkullim të lirë të njerëzve ndaj nuk ka arsye pse të mos kemi qarkullim të lirë të mallrave”, tha z. Luan Leka, President i Bashkimit të Prodhuesve Shqiptarë.  Ndërsa z. Nikolin Jaka, anëtar themelues i Bashkimit të Prodhuesve Shqiptarë, teksa theksoi rëndësinë e promovimit të produkteve shqiptare, u shpreh se ky organizim duhet të diktoje politika të reja doganore mes 2 vendeve, deri në heqjen e tarifave doganore.

Gjatë këtij Forumi të mbajtur në Pejë u diskutua dhe për dixhitalizimin e sipërmarrjeve prodhuese në Shqipëri, Kosovë e Maqedoni duke vendosur në një platformë të vetme informacion për çdo fabrike prodhuese, si një nga mjetet kryesore të promovimit të produkteve shqiptare në tregjet e huaja.

[slider style=”flat” category=”Forumi Ekonomik Pejë” orderby=”date” order=”ASC”]