Lajme

“Transformoni ndërmarrjet tuaja” – kjo ishte thirrja e Sekretarit të Përgjithshëm të Shoqatës “Bashkimi i Prodhuesve Shqiptarë”, drejtuar operatorëve të biznesit. Arben Shkodra theksoi se pa transformim të brendshëm, bizneset nuk do t’ia dalin të dërgojnë prodhimet e tyre në tregjet e BE-së.

Ai nënvizoi se transformimi duhet të përfshijë aspektin e organizimit të brendshëm, inovacionin dhe digjitalizimin, ndërsa prioritet i rëndësishëm duhet të jetë kërkimi shkencor. Në këtë proces, sipas tij, qeveria duhet të mbështesë biznesin në shumë drejtime duke filluar nga informimi, rritja e kapaciteteve, instrumentat financiare etj. Deklaratat, z. Shkodra i bëri në aktivitetin e organizuar nga AKU, “Siguria ushqimore, prioritet kombëtar dhe përgjegjësi e përbashkët për integrimin në BE”, ku ishin të pranishëm Kryeministri Rama, Ambasadori i BE-së në Shqipëri, Silvio Gonzato, Drejtorja e AKU-së, Blerina Gjylameti, si dhe operatorë të biznesit ushqimor.

Sekretari i Përgjithshëm i Shoqatës “Bashkimi i Prodhuesve Shqiptarë”, Arben Shkodra, në një intervistë me gazetaren Aurora Sulçe në A2Business, në A2CNN, thekson se këto investime duhet të mbështeten mbi strategji dhe analiza konkrete, duke shfrytëzuar jo vetëm kapitalin, por edhe eksperiencën nga tregje të zhvilluara. Sipas tij, përqendrimi aktual në tregun e pasurive të paluajtshme lidhet me mungesën e orientimit drejt sektorëve të tjerë me potencial. Përcaktimi i sektorëve prioritarë dhe i modelit ekonomik nga qeveria është kyç për të orientuar investimet drejt zhvillimit.

“Bashkimi Europian ofron shumë mundësi por është një treg i vështirë. Përgatitja duhet të nisë që sot, në mënyrë që ndërmarrjet tona të bëhen konkurruese në një treg të rregulluar dhe kërkues. Informimi, njohja e tregut dhe bashkëpunimi me diasporën ekonomike janë çelësi i suksesit” këto mesazhe u theksuan gjatë Forumit të Biznesit të Diasporës, në kuadër të Samitit të Katërt të Diasporës 🇦🇱, ku mori pjesë edhe Sekretari i Përgjithshëm i Shoqatës “Bashkimi i Prodhuesve Shqiptar”, Arben Shkodra.

Prej disa ditësh, në disa portale dhe media online, janë publikuar “denoncime qytetarësh” ndaj produktit “Uji Lajthiza”.

“Denoncimi” i referohet një qytetari, të pa identifikuar, në një resort në Jug të Shqipërisë, gjithashtu të pa identifikuar. Sipas këtij “denoncimi”, uji kishte përmbajtje të lartë kripe. Këtë konstatim e përforconte edhe një kamarier, gjithashtu i pa identifikuar. E gjitha, ishte e qartë që ishte një inskenim për të dëmtuar imazhin e kompanisë, që hedh në treg prej 25 vjetësh një prej produkteve më cilësore të ujit.

Bashkimi Prodhuesve Shqiptarë është shumë i vëmendshm ndaj respektimit të standardeve të sigurisë ushqimore. Ai do të mbaj qëndrim në rastet kur organet kompetente konstatojnë shkelje dhe cënim të standardit të sigurisë ushqimore. Por, me po të njëjtën përgjegjshmëri dhe përgjegjësi, BPSH kërkon të mbahet qëndrim nga institucionet kur prodhues të ndryshëm, bien pre e shantazhit apo sulmeve denigruese, për qëllime të caktuara.

Nuk është hera e parë që prodhuesë shqiptarë, kryesisht në fushën e industrisë ushqimore, bien pre e sulmeve publike pa asnjë bazë të vërtetueshme.

Këto sulme të qëllimshme cënojnë rëndë marrëdhënien dhe besueshmërinë mes prodhuesit dhe konsumatorit.
BPSH nxit çdo qytetar që, nëse vëren probleme me produktet ushqimore, t’i drejtohet institucioneve përkatëse.
Gjithashtu BPSH nxit institucionet që të mbajnë qëndrime në mbrojtje të konsumatorëve, por njekohesisht i nxit të reagojnë edhe në rastet kur fabrikohen fakte për të sulmuar marka të ndryshme prodhuesish.

Bashkimi Prodhuesve Shqiptarë

Në mbledhjen e parë të Këshillit Kombëtar të Punës për vitin 2024, me Ministrin e Ekonimisë, Kulturës dhe Inovacionit z. Blendi Gonxhja, Bashkimi Prodhuesve Shqiptarë mori pjesë aktivisht në diskutimet për çështje të rëndësishme që prekin tregun e punës, mbështetjen për të rinjtë dhe sfidat për sigurimet shoqërore.

1. Marrëveshja e Sigurimeve Shoqërore me Italinë: U prezantuan detaje mbi përfitimet që kjo marrëveshje do të sjellë për qytetarët shqiptarë që punojnë në Itali, si dhe për ata italianë që punojnë në Shqipëri.

2️. Skema e Garancisë Rinore: U diskutua pilotimi i kësaj skeme, e cila do të zbatohet deri në vitin 2027, me synimin për të rritur punësimin e të rinjve dhe për t’i integruar ata në tregun e punës me mundësi konkrete zhvillimi profesional.

3. Reforma e Sigurimeve Shoqërore: Diskutimet për përmirësimin e skemave të pensioneve ishin thelbësore për të garantuar një të ardhme më të sigurt për qytetarët shqiptarë.

4️. Dokumenti Politik për Sigurinë dhe Shëndetin në Punë: U diskutua strategjia 2024-2030, që synon të rrisë standardet e sigurisë dhe shëndetit në vendin e punës për të gjithë punëmarrësit.

Bashkimi Prodhuesve Shqiptarë mbetet i angazhuar për të mbështetur këto iniciativat, të cilat janë të rëndësishme për përmirësimin e kushteve të punës, rritjen e mundësive për të rinjtë dhe mbrojtjen sociale për të gjithë qytetarët!

#KëshilliKombëtar #BashkimiProdhuesveShqiptarë #TreguIpunës #SigurimetShoqërore #GaranciaRinore #SiguriaNëPunë

Një takim mjaft konkret dhe dinamik nën kujdesin e vecantë të zv/Kryeministres znj. Belinda Balluku, me Ministren e Bujqësisë dhe Zhvillimit Rural znj. Anila Denaj.

Takimi u përqendrua kryesisht në tema të tilla si zhvillimi në fushën e bujqësisë dhe atë rural, zhvillimi në fushën e sigurisë ushqimore, agropërpunimi, përpunimi ushqimor, financimet nga qeveria shqiptare dhe IPARD 3, problemet me Autoritetin e Kontrollit Ushqimor.

Përfaqësuesit e Bashkimit Prodhuesve Shqiptare paraqiten për diskutim çështje që kanë të bëjnë me:

 Propozime për lehtësimin e proçedurave (derregullimi),

 legjislacionin në fushën e bujqësisë dhe zhvillimit rural,

 procedurat e AKU-së,

 financimin dhe aksesin në financë,

 promovimin e produkteve “Made in Albania”

 politikën fiskale me qëllim aplikimin e një taksimi të drejtë,

 problematikat me inputet bujqësore, vecanërisht me produktet kimike dhe përdorimi i tyre pa kriter duke sjellë problematika në agropërpunim.

Nga ana e palës qeveritare pati një mirëkuptim të plotë dhe një angazhim maksimal duke ofruar sugjerime per zgjidhjen e disa prej problemeve të paraqitura gjatë takimit me të cilat sektori agroushqimor po përballet.

#bashkimiprodhuesveshqiptare

Intervista e plotë e Sekretarit të Përgjithshëm z. Arben Shkodra mbi “Rritjen e pagës minimale” në emisionin Pro Business me gazetaren Oljana Maloku

Linku si më poshtë:

https://youtu.be/5LzQRmoP5b4