Blog

DPT, dëshiron të sjellë në vemendje të tatimpaguesve, që janë përfshirë për herë të parë në skemën e Tatimit mbi Vlerën e Shtuar (TVSH-së), detyrimin për të plotësuar dhe dorëzuar deklaratën e thjeshtuar, brenda datës 16 Korrik 2018.

Administrata Tatimore është e gatshme t’ju asistojë gjatë këtij procesi dhe për këtë qëllim ju fton të vizitoni “Këndin e Asistencës” i dedikuar për biznesin e vogël, pranë të gjitha Drejtorive Rajonale Tatimore ( 13 kënde efektive). Pranë këtyre këndeve ju mund të merrni të gjithë asistencën e nevojshme, në mënyrë që të përmbushni me korrektësi detyrimet ligjore .

Gjithashtu për çdo paqartësi ju mund të telefononi pranë Qendrës së Thirrjeve në numrin e gjelbër pa pagesë 0800 00 02, ku një operator do t’ju ofrojë asistencë në kohë reale: nga e hëna në të enjte ora 08:30-18:00 dhe e premte  ora 08:30-16:00. Ju mund të përdorni edhe shërbimin Live Chat në adresën: www.tatime.gov.al

Për t’u njohur me mënyrën e plotësimit dhe deklarimit elekronik të deklaratës së thjeshtuar të TVSH-së, mund të klikoni në linkun: https://bit.ly/2LckDFJ

Drejtoria e Përgjithshme e Tatimeve në një njoftim zyrtar të saj, kujton tatimpaguesit e vegjël me qarkullim nga 2 deri në 5 milionë lekë, të përfshirë për herë të parë në skemën e TVSH-së që prej datës 1 Prill 2018, se nesër datë 10 korrik 2018, është afati i fundit i deklarimit të librit të shitjes dhe blerjes.

Të gjithë subjektet që kanë nevojë për asistencë gjatë këtij procesi, mund të vizitojnë “Këndin e Asistencës”, i dedikuar për biznesin e vogël, pranë të gjitha Drejtorive Rajonale Tatimore (13 kënde efektive).

Gjithashtu për çdo paqartësi ju mund të telefononi pranë Qendrës së Thirrjeve në numrin e gjelbër  pa pagesë 0800 00 02, ku një operator do t’ju ofrojë asistencë në kohë reale: nga e hëna në të enjte  ora 08:30-18:00 dhe e premte  ora 08:30-16:00.

Për t’u njohur me mënyrën e plotësimit dhe deklarimit elekronik të Librit të Shitjes dhe Blerjes, mund të klikoni në këtë link:https://bit.ly/2Kj30HM

Ndërsa Shqipëria përfshihet në vendet me indeksin më të ulët ekonomik, rritja ekonomike që ka vijuar në rënie  nga 3.9% që ishte vitin e kalur në 3.5 % vitin e ardhshëm, e ndërsa pritet të miratohet ditën e hënë paketa fiskale, në misionin “Ekopolitika” të Ora News, ishte i ftuar Sekretari i Përgjithshëm i Bashkimit të Prodhuesve Shqiptarë, Arben Shkodra.

Mes tematikave të diskutimit sesi politika po ndikon në klimën ekonomike, gjendjes së tanishme të saj dhe ndikimi i i reformave, apo burimeve që financojnë ekonominë e tanishme, Arben Shkodra foli edhe për probleme të tjera të lidhura me sektorin e prodhimit, i cili sipas tij është lënë në harresë prej politikave.

“Unë jam pjesë e sektorit të prodhimit, sektor i cili është lënë pa konsideratë prej politikave në 30 vite. Çdo sipërmarrës është aty ku është sepse është bërë vet. Nuk shoh asnjë lloj lehtësimi që prej krijimit të një subjekti prodhues”, u shpreh z. Shkodra për Ora News.

Më tej ai vazhdoi me problematika të tjera lidhur me taksat dhe markën “Made in Albania”, për të cilën Qeveria nuk po krijon kushtet e duhura për ta mbështetur atë.

“Taksat janë njësoj me inportuesin. Nuk kanë bërë lehtësimie për “Made in Albania” me të cilën krijohet një pasaport.  Lufta e madhe sot bëhet që çdo shtet të përhap produkete e veta, ndërsa në Shqipëri nuk po ndodh kjo.”, tha Arben Shkodra.

Ndërsa u ndal edhe te Partneriteti Publik-Privat (PPP), ai tha se problemi qëndron tek paaftësia e qeverisë për ta menaxhuar. Sipas tij, duhet krijuar një kulturë e re, pasi qeveritë që ndërrohen punojnë me po të njëjtat biznese dhe praktika.

“Duhet të dalim nga situata e tanishme sepse në momentin që vjen qeveria e re, ajo punon me po të njëjtat biznese dhe me po të njëjtat praktika. Problemi është disbalanca midis propozimeve të qeverisë dhe të anës tjetër. Kjo tregon paaftësinë e qeverive për të menaxhuar PPP.”, shprehet ai, ndërsa për investimet shprehu se “është nevojë e menjëhershme për një observator për të matur efektet e politikave publike dhe impaktit të tyre”.

Përsa i përket paketës fiskale të krijuar në mesin e këtij viti, Arben Shkodra tha se prej tyre është bërë kërkesë për diskutim me qëllim krijmin e një paketë të re fiskale e cila së paku nuk do të ndryshojë për pesë vite, pasi ndryshimet e vazhdueshme rrisin edhe risqet.

“Ne i kemi ftuar të ulemi në diskutim për të hartuar një paket fiskale. Kërkesa jonë e fortë është që duam të bëjmë nga fillimi në mënyrë integrale ligjin për proceduart tatimore dhe të kemi një pakt politik që të paktën për pesë vite mos të ndryshojë.”, u shpeh ai.

Ndërsa sjell shembullin e vendeve të rajonit që po luftojnë në lehtësimin dhe përhapjen e markës “Made in Country”, z. Shkodra tha se paketa e tanishme fiskale është për ato biznese që duan të përfitojnë dhe jo për pjesën tjetër.

“Kjo është paket fiskale për ato biznese që duan të përfitojnë, por për pjesën tjetër është kuturu.”, deklaroi ai.

Në fund ai cilësoi se paketa e re fiskale, e cila pritet të miratohet të hënën në seancën plenare, e cilësoi të gabuar dhe se nuk u është lënë kohë e mjaftueshme për ta diskutuar.

“Kjo është një gjë e gabuar që do të na rëndojë. Nuk do të ketë kohë për konsultime teknike dhe nuk do krijohet mundësia për një material të mirë.”, përfundoi ai.

Për më shumë klikoni këtu

Sipas të dhënave zyrtare të INSTAT, në vitin 2017, sasia e qumështit të grumbulluar është rreth 131 mijë ton, duke shënuar rritje me 4,99 %, krahasuar me vitin 2016.

Gjatë kësaj periudhe, sasia e qumështit të lopës të grumbulluar është rreth 110 mijë ton, duke shënuar një rritje me 6,55 %, krahasuar me 2016. Sasia e grumbulluar e qumështit të deles është rreth 13 mijë ton, duke shënuar një rritje me 1,54 %, krahasuar me një vit më parë. Sasia e grumbulluar e qumështit nga dhitë është rreth 9 mijë ton, duke shënuar një rënie me 8,04 %, krahasuar me vitin 2016.

Në vitin 2017, sasia e qumështit të prodhuar për konsum është rreth 13 mijë ton, në rritje me 21,64 %, krahasuar me 2016. Ndaj sasisë gjithsej të qumështit të prodhuar në vitin 2017, qumështi gjysëm i skremuar përbën rreth 17,20 %, qumështi i plotë i përpunuar 79,34 %, qumështi i papërpunuar 2,92 % dhe qumështi i skremuar 0,54 %.

Nënproduktet e qumështit

Sasia e prodhuar e djathit sipas llojit të qumështit në vitin 2017 u rrit me 2,87 %, krahasuar me një vit më parë. Sasia e djathit të përpunuar pësoi një rënie me 24,02 %, ndërsa prodhimi i gjalpit shënoi një rritje me 6,55 %, krahasuar me një vit më parë.

Qendra Kombëtare e Biznesit në një njoftim zyrtar të saj, njofton të gjithë bizneset që janë të regjistruar me përgjegjësi tatimore tatim fitimi duhet të depozitojnë pranë saj bilancin dhe raportin e auditit sipas parashikimeve në ligj deri në datë 31 korrik 2018. Në rast të mosrespektimit të këtij detyrimi ligjor qkb-së i lind e drejta që të gjobisë bizneset 15 000 lekë.

Depozitimi i dokumentave mundësohet vetëm nëpërmjet aplikimi online në portalin qeveritar e-albania, duke ndjekur të gjitha hapat e procedurës për kryerjen e aplikimit. Bëjnë përjashtim subjektet me administrator të huaj dhe shoqëritë e kursim kreditit, aplikimet e të cilëve do të vijojnë të kryhen vetëm në sportelet e shërbimit të qkb-së.

Dokumentat të cilat duhet të dorëzohen pranë QKB-së janë:

• Pasqyrat financiare vjetore të skanuara ne format PDF;
• Raportin e auditimit dhe ecurisë së veprimtarisë (kur mbajtja e tyre është e detyrueshme);
• Vendimin për miratimin e pasqyrave financiare (sipas kërkesave ligjore).

Mënyra e depozitimit:

• Depozitimi i dokumentave të sipërcituara mundësohet vetëm nëpërmjet aplikimi online në portalin qeveritar e-albania, duke ndjekur të gjitha hapat e procedurës për kryerjen e aplikimit;
• Formati elektronik i ruajtjes së pasqyrave financiare, duhet të jetë në PDF, ku cdo dokument të ngarkohet si një dokument i vetëm;
• Individi i cili do të kryejë aplikimin, duhet të jetë i pajisur me kartë identiteti ose pasaportë biometrike;
• Shërbimi ofrohet pa pagesë.

Për më shumë informacion vizitoni: www.qkb.gov.al, www.e-albania.al

Drejtoria e Përgjithshme e Tatimeve, njofton të gjithë tatimpaguesit, se duke filluar nga data 1 Korrik 2018, listëpagesat që do të gjenerohen nga sistemi per periudhën tatimore qershor 2018 dhe që do të dorëzohen elektronikisht nga data 1 deri më 20 korrik 2018, do të reflektojnë kodet e rishikuara të profesioneve sipas Listës Kombëtare të Profesioneve të miratuara me VKM nr. 514 nr. 514, datë 20.09.2017 dhe të publikuar në Fletoren Zyrtare Nr. 169, datë 22 shtator 2017. (Listën Kombëtare të Profesioneve të ndryshuar e gjeni duke klikuar në link: http://listakombetareprofesioneve.al )

Këto ndryshime kanë të bëjnë kryesisht me shtimin e disa kategorive të reja të profesioneve, ndryshime në kategoritë ekzistuese, si dhe pavlefshmërinë e disa kategorive të Listës Kombëtare të Profesioneve të përdorura deri para hyrjes në fuqi të vendimit të mësipërm.

Implementimi i ndryshimeve të mësipërme në listëpagesë do të mundësojë në pjesën më të madhe të tyre përditësimin automatik. Në këto raste tatimpaguesi do të dorëzojë listëpagesën e tij pa qenë e nevojshme të përditësojë kategorinë e profesioneve edhe nëse ajo ka ndryshuar.

Tatimpaguesit, të cilët kanë të paktën një punonjës, për të cilin sistemi identifikon se “Emri i Kategorisë së Profesioneve” nuk është më i vlefshëm sipas listës së re, nuk do të mund të dorëzojnë listëpagesën pa ndryshuar/përditësuar këtë kategori. Sistemi automatikisht do të shfaqë një mesazh paralajmërues, përmes të cilit tatimpaguesit do të informohen rreth detajeve të punonjësit, për të cilin do të duhet të bëhet përditësimi manual. Më pas tatimpaguesi duhet të klikojë në fushën e kategorisë dhe të përzgjedhë profesionin apo fuksionin që i përshtatet sipas rastit konkret.

DPT, ju bën thirrje të verifikoni dhe të përditësoni ndryshimet e mësipërme në listëpagesat tuaja, duke filluar që nga data 1 Korrik 2018, për të bërë të mundur deklarimin e tyre brenda afatit për të shmangur çdo penalitet për dorëzim të vonuar.